మంగళవారం 02 మార్చి 2021
Cinema - Jan 22, 2021 , 19:10:59

నితిన్‌ ‘చెక్‌’ విడుదల తేది ఖరారు

నితిన్‌ ‘చెక్‌’ విడుదల తేది ఖరారు

నితిన్ హీరోగా చంద్రశేఖర్ ఏలేటి దర్శకత్వంలో భవ్య క్రియేషన్స్ పతాకంపై వి. ఆనంద్ ప్ర‌సాద్   నిర్మిస్తున్న  'చెక్' చిత్రం విడుదల తేదీ ఖరారైంది. ఫిబ్రవరి 19న చిత్రాన్ని గ్రాండ్‌గా రిలీజ్ చేస్తున్నామ‌ని  నిర్మాత వి. ఆనంద్ ప్రసాద్ ప్రకటించారు. ఈ సందర్భంగా ఆనంద్ ప్రసాద్ మాట్లాడుతూ.. జైలు నేపథ్యంలో రూపొందిన  యాక్ష‌న్ థ్రిల్ల‌ర్ ఇది.  కచ్చితంగా ప్రేక్షకులకు కొత్త అనుభూతిని ఇచ్చే కాన్సెప్ట్ ఇది. ఓ ఉరిశిక్ష పడ్డ ఖైదీ చెస్ గేమ్ ద్వారా తన లక్ష్యాన్ని ఎలా చేరుకున్నాడన్నది ఈ చిత్రం ప్రధాన కథాంశం. ఆద్యంతం ఆసక్తికరంగా ఉంటుందన్నారు.

నితిన్- చంద్రశేఖర్ ఏలేటి కాంబినేషన్ అనగానే ప్రేక్షకులు ఆశించే అంశాలన్నీ ఇందులోఉంటాయి. ఇటీవల విడుదల చేసిన ఫస్ట్ గ్లింప్స్ కి చక్కటి స్పందన లభించింది. ఇందులోకథానాయికలు రకుల్ ప్రీత్ సింగ్, ప్రియా ప్రకాష్ వారియర్ పాత్రలు కూడా చాలాఆసక్తికరంగా ఉంటాయని ఆయ‌న‌ తెలిపారు.

నితిన్, రకుల్ ప్రీత్ సింగ్, ప్రియా ప్రకాష్ వారియర్, పోసాని కృష్ణ మురళి, మురళీ శర్మ, త్రిపురనేని సాయిచంద్, సంపత్ రాజ్, హర్షవర్ధన్, రోహిత్ పాథక్, సిమ్రాన్ చౌదరి తదితరులు ఈ చిత్రంలో ప్ర‌ధాన పాత్ర‌లు పోషిస్తున్నారు.   ఈ చిత్రానికి సంగీతం : కళ్యాణి మాలిక్, ఛాయాగ్రహణం : రాహుల్ శ్రీవాత్సవ్  , ఆర్ట్ : వివేక్అన్నామలై  , ఎడిటింగ్ : అనల్ అనిరుద్దన్ , ఎగ్జిక్యూటివ్ నిర్మాత : అన్నే రవి , నిర్మాత :  వి.ఆనంద ప్రసాద్,


 

VIDEOS

logo