గత కొద్ది రోజులుగా సినీ పరిశ్రమలో ఎంత హడావిడి నెలకొందో ప్రత్యేకంగా చెప్పనక్కర్లేదు. మా ఎన్నికల పేరుతో ఒకరిపై ఒకరు మాటల దాడి చేసుకోవడంతో నిత్యం వీరు చర్చనీయాంశంగా మారారు. ఎట్టకేలకు ఆదివారంతో మా ఎలక్షన్స్కి తెరపడింది. మంచు విష్ణు 107 ఓట్ల మెజారిటీతో తన ప్రత్యర్థి ప్రకాశ్రాజ్పై ఘనవిజయం సాధించారు. ప్రెసిడెంట్గా మంచు విష్ణు, ఎగ్జిక్యూటివ్ వైస్ ప్రెసిడెంట్గా శ్రీకాంత్, జనరల్ సెక్రటరీగా రఘుబాబు, ట్రెజరర్గా శివబాలాజీ గెలుపొందారు.
ముందు నుండి ప్రకాశ్ రాజ్కి సపోర్ట్గా నిలుస్తూ వచ్చిన ప్రకాశ్రాజ్ ఓడిపోవడంతో మెగా బ్రదర్ సంచలన నిర్ణయం తీసుకున్నారు. ప్రాంతీయ వాదం మరియు సంకుచిత మనస్తత్వం తో కొట్టు మిట్టాడుతున్న మూవీ ఆర్టిస్ట్ అసోసియేషన్ లో కొనసాగడం ఇష్టం లేక మా అసోసియేషన్ లో నా ప్రాథమిక సభ్యత్వానికి రాజీనామా చేస్తున్నాను సెలవు అంటూ నాగబాబు సోషల్ మీడియా ద్వారా వెల్లడించారు.
తన రాజీనామా ను మా అసోసియేషన్ కి 48 గంటల్లో తన స్టాఫ్ ద్వారా పంపుతాను అని తెలిపారు. ఇది ఎంతో ఆలోచించి, ప్రలోభాలకు అతీతంగా పూర్తి చిత్తశుద్ది తో తీసుకున్న నిర్ణయం అని అన్నారు. నాగబాబు తీసుకున్న నిర్ణయం పట్ల అభిమానులు, నెటిజన్లు పలు రకాలుగా స్పందిస్తున్నారు.