మంచులో వ‌ణుకుతూ 'న‌దిలా న‌దిలా' మేకింగ్ వీడియో

బెల్లంకొండ శ్రీనివాస్, న‌భాన‌టేశ్‌, అనూ ఇమ్మాన్యుయేల్ హీరోహీరోయిన్లుగా న‌టించిన చిత్రం అల్లుడు అదుర్స్. సంతోష్ శ్రీనివాస్ ద‌ర్శ‌క‌త్వం వ‌హించాడు. ఈ సినిమా నుంచి న‌దిలా న‌దిలా అంటూ సాగే లిరిక‌ల్ వీడియో సాంగ్ ను ఇటీవ‌లే మేక‌ర్స్ విడుద‌ల చేయ‌గా..మ్యూజిక్ ల‌వ‌ర్స్ ఈ పాట‌ను తెగ ఎంజాయ్ చేస్తున్నారు. న‌దిలా న‌దిలా క‌దిలావే ఓ న‌దిలా..అల‌లా అల‌లా అల‌లా త‌డిపావే న‌న్ను ఇలా అంటూ సాగే ఈ పాటను క‌శ్మీర్‌, శ్రీన‌గ‌ర్ లోని అందమైన‌ మంచు ప‌ర్వ‌త ప్రాంతాల్లో బెల్లంకొండ‌ శ్రీనివాస్‌-న‌‌భా న‌టేశ్ మ‌ధ్య షూట్ చేశారు. ఈ సాంగ్ చిత్రీక‌ర‌ణ కోసం చాలానే క‌ష్ట‌ప‌డింది చిత్ర‌యూనిట్‌.

శ్రీన‌గ‌ర్, క‌శ్మీర్ లో భారీగా మంచు వ‌ర్షం కురుస్తున్నా లెక్క‌చేయ‌కుండా ఎంతో క‌ష్ట‌ప‌డి పాట‌ను షూట్ చేశారు. శేఖ‌ర్ మాస్ట‌ర్ కొరియోగ్రఫీలో బెల్లంకొండ శ్రీనివాస్-న‌భా న‌టేశ్ ఓ వైపు క‌ష్ట‌పడుతూ..మ‌రోవైపు షూటింగ్ ను ఎంజాయ్ చేశారు. షూటింగ్ వీడియోను బీఏ రాజు ట్విట‌ర్ లో చేయ‌గా..నెట్టింట్లో హ‌ల్‌చ‌ల్ చేస్తోంది.