శుక్రవారం 05 మార్చి 2021
Cinema - Jan 27, 2021 , 00:34:13

రిలీజ్‌ డేట్‌ ఫిక్స్‌

రిలీజ్‌ డేట్‌ ఫిక్స్‌

పంజా వైష్ణవ్‌తేజ్‌, కృతిశెట్టి జంటగా నటిస్తున్న చిత్రం ‘ఉప్పెన’. బుచ్చిబాబు సానా దర్శకుడు. మైత్రీ మూవీ మేకర్స్‌, సుకుమార్‌ రైటింగ్స్‌ పతాకాలపై   నవీన్‌ ఎర్నేని, రవిశంకర్‌ యలమంచిలి నిర్మిస్తున్నారు. తమిళ నటుడు విజయ్‌ సేతుపతి కీలక పాత్రను పోషిస్తున్నారు. ఫిబ్రవరి 12న ఈ చిత్రం విడుదలకానుంది.  నిర్మాతలు మాట్లాడుతూ ‘ఓ యువజంట ప్రేమాయణానికి సామాజిక అంతరాలు ఎలా అడ్డుగోడలుగా నిలిచాయనే కథాంశంతో తెరకెక్కుతున్న చిత్రమిది. సముద్రం సాక్షిగా మొదలైన ఆ ప్రేమ కథ ఏ తీరాలకు చేరుకుందనేది ఆసక్తిని పంచుతుంది.  ఇటీవల విడుదలైన టీజర్‌తో పాటు దేవిశ్రీప్రసాద్‌ స్వరపరచిన  పాటలకు చక్కటి ఆదరణ లభిస్తోంది. వినూత్న ప్రేమకథగా మెప్పిస్తుంది’ అని తెలిపారు. ఈ చిత్రానికి సంగీతం: దేవిశ్రీప్రసాద్‌, ఛాయాగ్రహణం: షామ్‌దత్‌ సైనుద్దీన్‌. 

VIDEOS

logo