e-Paper

Advertisement

E-Paper

Apps

Book Your Copy

Visit Telangana Today

Saturday, September 25, 2021
Home సినిమా గగనతల యుద్ధభేరి

గగనతల యుద్ధభేరి

భారతీయ వెండితెరపై మునుపెన్నడూ చూడని యాక్షన్‌ బొనాంజాకు రంగం సిద్ధమవుతోంది. హృతిక్‌రోషన్‌ కథానాయకుడిగా సిద్ధార్థ్‌ ఆనంద్‌ (‘వార్‌’ ఫేమ్‌) దర్శకత్వంలో తొలి భారతీయ ఏరియల్‌ యాక్షన్‌ మూవీకి సన్నాహాలు జరుగుతున్నాయి. దీపికాపదుకోన్‌ కథానాయికగా నటించనుంది. ‘ఫైటర్‌’ పేరుతో తెరకెక్కించబోతున్న ఈ సినిమాలోని యాక్షన్‌ ఘట్టాలన్నీ గగనతలంలో యుద్ధ విమానాలు, మిసైల్స్‌ నడుమ సాగుతాయి. దేశ భద్రతా దళాల పోరాట స్ఫూర్తికి, అసమాన త్యాగానికి, ధైర్యసాహసాలకు వెండితెర దృశ్యరూపంగా ఈ సినిమాను తెరకెక్కించబోతున్నామని దర్శకుడు సిద్ధార్థ్‌ ఆనంద్‌ తెలిపారు. ఆయన మాట్లాడుతూ ‘నా కలల సినిమా ఇది. విశ్వవ్యాప్తంగా యాక్షన్‌ ప్రేమికులు మెచ్చేలా, భారతీయ సినిమా సాంకేతికతను అందరికి పరిచయం చేసేలా ఈ సినిమాను రూపొందించబోతున్నాం’ అన్నారు. గత ఏడాది హృతిక్‌ రోషన్‌ జన్మదినం సందర్భంగా ఈ సినిమా ప్రకటన చేశారు. అయితే చిత్ర కథాంశం గురించి ఎలాంటి వివరాల్ని వెల్లడించలేదు. ప్రముఖ బాలీవుడ్‌ విశ్లేషకుడు తరణ్‌ఆదర్శ్‌ తన ట్విట్టర్‌ ఖాతా ద్వారా ఈ సినిమా గురించిన తాజా సమాచారాన్ని వెల్లడించారు. వయాకామ్‌ 18 స్టూడియో సంస్థ ఈ చిత్రాన్ని నిర్మించబోతున్నది. సిద్ధార్థ్‌ ఆనంద్‌ దర్శకత్వంలో హృతిక్‌రోషన్‌ నటించిన ‘వార్‌’ చిత్రం భారీ విజయాన్ని సొంతం చేసుకుంది. ఈ నేపథ్యంలో వీరిద్దరి కలయికలో రాబోతున్న ‘ఫైటర్‌’ దేశవ్యాప్తంగా ప్రేక్షకుల్లో ఆసక్తిని రేకెత్తిస్తోంది. వచ్చే ఏడాది సెప్టెంబర్‌లో ఈ సినిమా తొలిభాగాన్ని ప్రేక్షకులముందుకు తీసుకొచ్చేందుకు సన్నాహాలు చేస్తున్నారు.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana