వ్యక్తిగత కారణాలతో భవ్య బిష్ణోయ్తో నిశ్చితార్థాన్ని రద్దు చేసుకున్న పంజాబీ సుందరి మెహరీన్ తిరిగి సినీకెరీర్పై దృష్టిసారిస్తోంది. ప్రేమకథా చిత్రాలతో తెలుగు, తమిళ భాషల్లో చక్కటి గుర్తింపును సొంతం చేసుకున్న ఆమె తాజాగా కన్నడంలో అరంగేట్రం చేయబోతున్నది. శివరాజ్కుమార్ కథానాయకుడిగా రామ్ ధూలిపూడి దర్శకత్వంలో ఓ కన్నడ చిత్రం తెరకెక్కుతోంది. ఎమోషనల్ లవ్స్టోరీగా రూపొందనున్న ఈ చిత్రంతో మెహరీన్ కన్నడ చిత్రసీమలో అడుగుపెట్టబోతున్నది. కథానాయిక పాత్ర కోసం పలువురు అగ్ర తారలను పరిశీలించిన చిత్రబృందం మెహరీన్ను ఖరారు చేసినట్లు తెలిసింది. ఈ సినిమాలో పల్లెటూరి యువతిగా, స్వతంత్య్రభావాలు కలిగిన ఆధునిక అమ్మాయిగా భిన్న పార్శాలతో ఆమె పాత్ర సాగనున్నట్లు తెలిసింది. కథ, తన పాత్రలోని వైవిధ్యత నచ్చడంతో మెహరీన్ ఈ సినిమాను అంగీకరించినట్లు చెబుతున్నారు. శివరాజ్కుమార్ ఈ చిత్రంలో ఆర్మీ అధికారిగా కనిపించనున్నట్లు తెలిసింది. ప్రస్తుతం మెహరీన్ తెలుగులో ‘ఎఫ్-3’, ‘మంచి రోజులు వచ్చాయి’ సినిమాల్లో కథానాయికగా నటిస్తుంది.