న‌య‌న‌తార కోసం చిరంజీవి వెయిటింగ్‌..!

టాలీవుడ్ మెగాస్టార్ చిరంజీవి మ‌ల‌యాళ సూప‌ర్ హిట్ చిత్రం లూసిఫ‌ర్ రీమేక్ ఇటీవ‌లే గ్రాండ్ గా మొద‌లైన సంగ‌తి తెలిసిందే. ఆచార్య షూటింగ్ పూర్త‌వ‌గానే ఈ ప్రాజెక్టు చిత్రీక‌ర‌ణ‌లో పాల్గొన‌నున్నాడు చిరు. డైరెక్ట‌ర్ మోహ‌న్ రాజా ఈ చిత్రంలో ఫీమేల్‌లీడ్ ఎవ‌ర‌నే విష‌యంపై మాత్రం క్లారిటీ ఇవ్వ‌లేదు. ఒరిజిన‌ల్ వెర్షన్ లో మంజువారియ‌ర్ పోషించిన పాత్ర‌లో న‌య‌న‌తార క‌నిపించ‌నున్న‌ట్టు వార్త‌లు వ‌చ్చాయి. అయితే మేక‌ర్స్ మాత్రం పేరు ప్ర‌క‌టించ‌లేదు.

డైరెక్ట‌ర్ మోహ‌న్ రాజా ఈ రోల్ కోసం న‌య‌న‌తార‌ను సంప్ర‌దించిన‌ట్టు ఇన్‌సైడ్ టాక్‌. కానీ న‌య‌న్ నుంచి ఇంకా గ్రీన్ సిగ్న‌ల్ రాన‌ట్టు తెలుస్తోంది. న‌య‌న‌తార భాయ్‌ఫ్రెండ్ విఘ్నేశ్ శివ‌న్ తో వెడ్డింగ్ ప్లాన్ కార‌ణంగానే ఇప్ప‌టివ‌ర‌కు ఎలాంటి క్లారిటీ ఇవ్వ‌లేద‌ని కోలీవుడ్ జ‌నాలు గుస‌గుసలాడుకుంటున్నారు. న‌య‌న్ చిరు సినిమాకు వెంట‌నే ఒకే చెప్ప‌క‌పోవ‌డానికి ఇదే కార‌ణ‌మై ఉంటుంద‌నే సందేహాలు వ్య‌క్తమ‌వుతున్నాయి.

సెలెక్టివ్ గా క‌థ‌లు ఎంచుకుని సినిమాలు చేసే న‌య‌న్‌..ఇలా మెగాస్టార్ చిరంజీవిని వెయిటింగ్ లో పెట్టిందన్న వార్త ఇపుడు టాలీవుడ్‌లో టాక్ ఆఫ్ ది టౌన్ గా మారింది. మెహ‌న్‌రాజా ఈ బ్యూటీనే హీరోయిన్ గా ఫైన‌ల్ చేస్తాడా..? నయ‌న్ నో చెబితే ఏ హీరోయిన్ ను సెలెక్ట్ చేస్తాడ‌నేది తెలియాల్సి ఉంది.