విలక్షణ నటుడు సత్యరాజ్ పలు భాషలలో అనేక చిత్రాలు చేశారు.అయితే బాహుబలి తర్వాత ఆయన వరల్డ్ ఫేమస్ అయ్యాడు. కట్టప్పగా గుర్తింపు తెచ్చుకున్నాడు. ఇప్పుడు సత్యరాజ్ తనయుడు శిబి సత్యరాజ్ హీరోగా వస్తున్నాడు. ఆయన నటించిన తాజా చిత్రం మాయోన్ . నూతన దర్శకుడు కిషోర్ దర్శకత్వంలో తెరకెక్కుతున్న ఈ మిస్టరీ థ్రిల్లర్ చిత్రంలో తాన్య రవిచంద్రన్ హీరోయిన్ గా నటిస్తోంది. రీసెంట్గా చిత్ర షూటింగ్ పూర్తి కాగా, ప్రస్తుతం పోస్ట్ ప్రొడక్షన్ కార్యక్రమాలు నిర్వహిస్తున్నారు.
మరి కొద్ది రోజులలో మూవీని ప్రేక్షకుల ముందుకు తెచ్చే సన్నాహాలు చేస్తున్న క్రమంలో తాజాగా రానా చేతుల మీదుగా మాయోన్ టీజర్ని విడుదల చేయించారు. చిత్ర బృందానికి బెస్ట్ విషెస్ తెలిపిన రానా.. మాయోన్ తెలుగు టీజర్ ను ఆవిష్కరించడం ఆనందంగా ఉంది. ఇది చాలా ఆసక్తికరంగా కనిపిస్తోందని చెప్పాలి. పూర్తి సినిమా చూడటానికి నేను ఆసక్తిగా ఎదురుచూస్తున్నాను. చిత్ర బృందానికి శుభాకాంక్షలు” అని పేర్కొన్నారు. టీజర్ చూస్తుంటే ఐదు వేల ఏళ్ల క్రితం నాటి ఒక దేవాలయం మిస్టరీని చేధించే కథాంశంతో ఈ థ్రిల్లర్ అడ్వెంచర్ మూవీ రూపొందినట్లు తెలుస్తోంది. మాస్ట్రో ఇళయరాజా సంగీతం సమకూర్చారు.మీరు టీజర్పై ఓ లుక్కేయండి.