ఉత్కంఠభరితంగా సాగిన మూవీ ఆర్టిస్ట్స్ అసోసియేషన్ (మా) ఎన్నికల్లో మంచు విష్ణు ఘనవిజయం సాధించారు. ఈ క్రమంలో ఎన్నికల్లో ఓడిపోయిన ప్రకాశ్ రాజ్ సంచలన నిర్ణయం తీసుకున్నారు. తన ‘మా’ సభ్యత్వానికి రాజీనామా చేయాలని నిర్ణయించుకున్నారు. ఈ నిర్ణయంపై మంచు విష్ణు స్పందించారు. తనకు, ప్రకాశ్ రాజ్కు మధ్య జరిగిన వాట్సాప్ సంభాషణ స్క్రీన్షాట్ను ట్విట్టర్లో విష్ణు షేర్ చేశారు.
‘భవిష్యత్తు కోసం మనం ఎప్పటికీ ఒకటే’ అంటూ పోస్ట్ చేశారు. ‘మా’ ఎన్నికల్లో విజయం సాధించిన విష్ణుకు అభినందనలు తెలిపిన ప్రకాశ్ రాజ్.. తాను ‘మా’ సభ్యత్వానికి రాజీనామా చేస్తున్నట్లు తెలిపారు. తన నిర్ణయాన్ని ఆమోదించాలని విష్ణును కోరారు. సభ్యత్వం లేకపోయినా తన సహాయం కావలసినప్పుడు అందుబాటులో ఉంటానని చెప్పారు. అయితే ఈ నిర్ణయంతో తాను సంతోషంగా లేనని విష్ణు తెలిపారు. గెలుపోటములు సహజమని, ఇలా భావోద్వేగంలో నిర్ణయం తీసుకోవడం కరెక్ట్ కాదని ప్రకాశ్ రాజ్కు వివరించారు.
తమ కుటుంబంలో ప్రకాశ్ రాజ్ ముఖ్యమైన వ్యక్తని, ఆయన ఆలోచనల అవసరం తనకు ఉంటుందని అన్నారు. కలిసి పనిచేద్దామని చెప్పారు. అలాగే తనకు వాట్సాప్లో బదులివ్వొద్దని, తాను సమయం చూసుకొని స్వయంగా ప్రకాశ్ రాజ్ను కలిసి ఈ విషయంపై మాట్లాడతానని పేర్కొన్నారు.
ఇది కూడా చూడండి