బాల‌కృష్ణ కోసం 'క్రాక్' డైరెక్ట‌ర్ ప‌వ‌ర్‌ఫుల్ స్టోరీ..!

ప్ర‌స్తుతం క్రాక్ సినిమా స‌క్సెస్ ను ఫుల్‌గా ఎంజాయ్ చేస్తున్నాడు డైరెక్ట‌ర్ గోపీచంద్ మ‌లినేని. ఈ చిత్రం క‌లెక్ష‌న్ల సునామిని సృష్టించి సంక్రాంతి విన్న‌ర్ గా నిలిచింది. ఈ సినిమాతో గోపీచంద్ ప‌క్కా క‌మ‌ర్షియ‌ల్ ఎంట‌ర్ టైనింగ్ డైరెక్ట‌ర్ గా పేరు తెచ్చుకున్నాడు. ఇదిలా క్రాక్ డైరెక్ట‌ర్ కొత్త ప్రాజెక్టుకు సంబంధించిన న్యూస్ ఇపుడు హాట్ టాపిక్ గా మారింది. మైత్రీ మూవీ మేక‌ర్స్ బ్యాన‌ర్ లో ఓ సినిమాకు గ్రీన్ సిగ్న‌ల్ ఇచ్చాడు గోపీచంద్‌మ‌లినేని. తాజాగా ఫిలింన‌గ‌ర్ వ‌ర్గాల్లో న‌డుస్తోన్న టాక్ ప్ర‌కారం గోపీచంద్ ఓ ప‌వ‌ర్‌ఫుల్ స్క్రిప్ట్ సిద్దం చేశాడ‌ట‌.

త్వ‌ర‌లోనే తాను రాసుకున్న స్టోరీని నంద‌మూరి బాల‌కృష్ణ‌కు వినిపించ‌నున్నాడ‌ని టాక్‌. ఇప్ప‌టికే ఈ క‌థ‌ను మైత్రీ మూవీ మేక‌ర్స్ ఒకే చేయ‌గా..ఇక‌ బాల‌కృష్ణ‌కు క‌థ న‌చ్చితే సినిమా సెట్స్ పైకి వెళ్లిన‌ట్టేనంటున్నారు టాలీవుడ్ విశ్లేష‌కులు. బాల‌కృష్ణ‌-గోపీచంద్ మ‌లినేని కాంబినేష‌న్ పై క్లారిటీ రావాలంటే మ‌రికొంత కాలం వెయిట్ చేయాల్సిందే.