e-Paper

Advertisement

E-Paper

Apps

Book Your Copy

Visit Telangana Today

Monday, September 20, 2021
Home సినిమా బడబాగ్నికి జడివానకి దోస్తీ

బడబాగ్నికి జడివానకి దోస్తీ

ఎన్టీఆర్‌, రామ్‌చరణ్‌ కథానాయకులుగా రాజమౌళి దర్శకత్వంలో రూపొందిస్తున్న భారీ మల్టీస్టారర్‌ చిత్రం ‘ఆర్‌ఆర్‌ఆర్‌’ (రౌద్రం రణం రుధిరం). కాల్పనిక చారిత్రక అంశాలతో తెరకెక్కిస్తున్న ఈ చిత్రంలో ఎన్టీఆర్‌ కొమరం భీమ్‌గా, రామ్‌చరణ్‌ అల్లూరి సీతారామరాజుగా నటిస్తున్నారు. ఆదివారం స్నేహితుల దినోత్సవాన్ని పురస్కరించుకొని ‘దోస్తీ’ పేరుతో ప్రత్యేకమైన పాటను విడుదల చేశారు. సిరివెన్నెల సీతారామశాస్త్రి సాహిత్యాన్నందించిన ఈ గీతాన్ని హేమచంద్ర ఆలపించారు. స్నేహం గురించి తెలియజెపుతూనే.. విరుద్ధ భావాల సంఘర్షణను భావయుక్తంగా ఈ పాటలో ఆవిష్కరించారు. ‘పులికి..విలుకాడికి..దోస్తీ, తలకి..ఉరితాడుకి..దోస్తీ, కదిలే కార్చిర్చుకి..కసిరే వడగళ్లకి…దోస్తీ, రవికీ..మేఘానికి..దోస్తీ, బడబాగ్నికి..జడివానకి..దోస్తీ..’ అంటూ పాట అర్థవంతంగా సాగింది. దసరా కానుకగా అక్టోబర్‌ 13న ప్రపంచవ్యాప్తంగా చిత్రాన్ని విడుదల చేయడానికి సన్నాహాలు చేస్తున్నారు. ఈ సినిమాలో అలియాభట్‌, ఒలీవియా మోరీస్‌ కథానాయికలుగా నటిస్తున్నారు. అజయ్‌దేవ్‌గణ్‌, సముద్రఖని, శ్రియ కీలక పాత్రల్ని పోషిస్తున్నారు.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana