ఉదయం పూట చురుకైన నడకతో కరోనాకు చెక్ పెట్టొచ్చని సెలవిస్తున్నారు బ్రిటన్ పరిశోధకులు. ఉదయం పూట నడిచే అలవాటు కొవిడ్ -19 నుంచి మరణించే ప్రమాదాన్ని తగ్గిస్తుందని వారు చెప్తున్నారు. అలాగే జీవించే వయసు కూడా పెరుగుతుందని సెలవిస్తున్నారు.
బ్రిటన్లోని లీసెస్టర్ విశ్వవిద్యాలయానికి చెందిన ప్రొఫెసర్ టామ్ యేట్స్ ఉదయం పూట చేసే చురుకైన నడకపై పరిశోధనలు జరిపారు. ఉదయాన బ్రిస్క్ వాక్ అలవాటు ఉన్నవారిలో కరోనా వైరస్ ఎలాంటి ప్రభావం చూపదని గుర్తించారు. వీరిలో వయసు తగ్గిపోతుందని కూడా తేల్చారు. వీరిలో జీవించి ఉండే వయసు 20 సంవత్సరాల వరకు పెరుగుతుందని పేర్కొన్నారు. ఎందుకంటే వేగంగా కదలిక గుండె మనల్ని ఆరోగ్యంగా ఉంచుతుంది. తద్వారా ఆక్సిజన్ను బాగా ఉపయోగించుకోవచ్చు. 2015 లో ది అమెరికన్ జర్నల్ ఆఫ్ క్లినికల్ న్యూట్రిషన్లో ప్రచురించిన ఒక అధ్యయనం ప్రకారం, ప్రతిరోజూ 20 నిమిషాల చురుకైన నడక మరణ ప్రమాదాన్ని 30 శాతం తగ్గిస్తుంది.
కరోనా కారణంగా బయటకు వెళ్లి వాకింగ్, వ్యాయామం చేయలేని పరిస్థితులు ఉన్నాయి. అందుకని ఇంటి వద్దనే వాకింగ్ చేయడం మంచిది. ఉదయాన్నే ఇంటి డాబాపైకి ఎక్కి వాకింగ్ చేయడం వలన శరీర అవయవాలకు మంచి ఆక్సిజన్ అందుతుంది. ఒకవైపు వ్యాయామం చేస్తూనే మరోవైపు సూర్యరశ్మి నుంచి డీ విటమిన్ అందుకునేందుకు కూడా ఏర్పాట్లు చేసుకోవాలి. ఉదయం 6 గంటల నుంచి 9 గంటల లోపు, తిరిగి సాయంత్రం 4 నుంచి 6 గంటల వరకు సూర్మరశ్మిలో నిలుచోవడం ద్వారా డీ విటమిన్ పొందవచ్చు.
చేయి నిటారుగా ఉంచడం:
ది జనరల్ ఆఫ్ ఎక్స్పెరిమెంటల్ బయాలజీ పరిశోధన ప్రకారం, చేతులను నిటారుగా పెట్టి నడవడం వలన నడకలో వేగం తగ్గుతుంది. 90 డిగ్రీల వరకు చేతులు తిప్పి, మోచేతులను శరీరానికి దగ్గరగా వంచడం ద్వారా మాత్రమే నడకలో ఫలితాలను సాధించవచ్చు.
బెండింగ్:
నడిచేప్పుడు మెడను వంచకుండా చూసుకోవలి. ఈ బెండింగ్ శరీరానికి గాయం కలిగిస్తుందని ఫ్లోరిడా రేస్వాకింగ్ కోచ్ బోనీ స్టెయిన్ చెప్పారు. నడకలో మెడను సూటిగా ఉంచాలి. ఇలా చేయడం వెన్నెముకను కూడా నిటారుగా ఉంచుతుంది. నడుస్తున్నప్పుడు 10 నుండి 30 అడుగుల పరిధిని గమనిస్తూ ఉండాలి.
పొడవైన అడుగులు వేయడం:
నడిచేప్పుడు పొడవైన అడుగులు వేయకుండా చూసుకోవాలి. అలా పొడుగాటి అడుగులు గురుత్వాకర్షణ కేంద్రానికి ముందుకు వచ్చి మోకాలికి నష్టం కలిగిస్తుంది. ఫలితంగా నొప్పితోపాటు సమతుల్యత క్షీణిస్తుంది.
పాదాలను చదునుగా ఉంచడం:
నడుస్తున్నప్పుడు చీలమండను నేలపై మొదట తాకేలా చూసుకోవాలి. అనంతరం పాదాలు రోల్ చేసి నేలమీదకు రావాలి. ఫ్లాట్ అడుగుల నుంచి శక్తి బదిలీలో సమస్య ఉంటుంది. అదే సమయంలో పాదాల నొప్పి సమస్య కూడా పెరుగుతుంది.
కరోనాతో విలవిల.. టోక్యో ఒలింపిక్స్ ఎలా..?
నేను చనిపోతే ఎవరెవరు వస్తారో చూస్తా..! ఓ మహిళ డెత్ రిహార్సల్
టీకా తీసుకోండి.. రూ.7.35 కోట్ల జాక్పాట్ గెలుచుకోండి
స్వతంత్ర్య దేశంగా ఇజ్రాయెల్.. చరిత్రలో ఈరోజు
దంతాలు బ్రేక్ఫాస్ట్ కన్నా ముందే శుభ్రపరుచుకోవాలా..?
1100 ఏండ్ల నాటి పద్యం.. 18 వేల కోట్లు ముంచింది..!
సిద్ధమైన 2-డీజీ ఔషధం.. మొదట ఇచ్చేది ఎక్కడో తెలుసా..?
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..