ఖాళీగా ఉన్న స్థానాల ఓటరు జాబితా సిద్ధం చేయండి
డీపీవోలకు రాష్ట్ర ఎన్నికల సంఘం ఆదేశాలు
ఉమ్మడి జిల్లావ్యాప్తంగా 19 సర్పంచ్, 192 వార్డులు, 5 ఎంపీటీసీ స్థానాలు ఖాళీ
నిర్మల్ టౌన్, మార్చి 29 : ఉమ్మడి ఆదిలాబాద్ జిల్లా పరిధిలో వివిధ కారణాలతో ఖాళీ అయిన ఎంపీటీసీ, సర్పంచ్, వార్డు సభ్యుల సాన్థాలకు ఎన్నికలు నిర్వహించేందుకు ఓటరు జాబితాను సిద్ధం చే యాలని రాష్ట్ర ఎన్నికల సంఘం షెడ్యూల్ను శుక్రవారం వి డుదల చేసింది. ఎన్నికలు జరిగే పంచాయతీలు, మండల ప్రజాపరిషత్లలో ఏప్రిల్ 3న ప్ర స్తుత ఓటరు జాబితాను ప్రదర్శిస్తారు. 6న రాజకీయ పార్టీల ప్రతినిధులతో జిల్లా ఎన్నికల అధికారి సమావేశం నిర్వహించాలి. 7న సంబంధి త ఎంపీడీవోలతో సమావేశం నిర్వహించాల్సి ఉంటుంది. ఓటరు జాబితాలో అభ్యంతరాలను 4 నుంచి 8 వరకు స్వీకరించి 10న పరిష్కరిస్తారు. 12న సరి చేసిన ఓటరు జాబితాను ఎన్నికలు జరిగే పంచాయతీలు, ఎంపీపీ కార్యాలయాల్లో తిరిగి ప్రదర్శించాలని రాష్ట్ర ఎన్నికల కమిషనర్ పార్థసారథి ఆదేశించారు.
ఎన్నికలు జరిగే గ్రామాలివే..
నిర్మల్ జిల్లాలో ఖానాపూర్ మండలంలోని శివనాయక్తండా, కుభీర్ మండలంలోని రంజని, లోకేశ్వరం మండలంలోని బాగాపూర్, సారంగాపూర్ మండలంలోని రాంసింగ్తండా, వైకుంఠపూర్, దిలావర్పూర్ మండలంలోని టెంబుర్ని గ్రామ సర్పంచ్ స్థానాలతోపాటు వివిధ మండలాల్లోని 32 వార్డుమెంబర్ స్థానాలకు ఎన్నికలు జరుగనున్నాయి. అలాగే నర్సాపూర్ మండలంలోని రాంపూర్కు కూడా ఎన్నికలు ఉంటాయి.
ఆదిలాబాద్ జిల్లాలోని బేల మండలంలో కొబ్బాయి, మం గ్నూర్, కొద్దూర్.. భీంపూర్లోని ఆంకోలి.. ఆదిలాబాద్ మండలంలోని ఉమ్రి సర్పంచ్ స్థానాలతోపాటు వంద మంది వార్డుమెంబర్ స్థానాలకు ఎన్నికలు ఉండనున్నాయి.
కుమ్రం భీం ఆసిఫాబాద్ జిల్లా కాగజ్నగర్ మండలం దు ర్గానగర్, చింతలమానేపల్లిలోని చింతలమనేపల్లి, ఆడేపల్లి.. పెంచికల్పేటలోని బొంబాయిగూడ, ఆసిఫాబాద్లో వెంకటాపూర్ పంచాయతీ సర్పంచ్ స్థానాలకు, కౌటాలలోని గుండాయిపేట, చింతలమానేపల్లిలో గూడెం, జైనూర్లోని మార్లవాయి ఎంపీటీసీ స్థానాలకు.. దాదాపు 41 వా ర్డు మెంబర్ స్థానాలకు కూడా ఎన్నికలు జరుగనున్నాయి.
మంచిర్యాల జిల్లాలోని కన్నెపల్లి మండలం సాలిగామ, తాండూర్లోని తాండూర్, కోటపల్లిలోని సిర్సా సర్పంచ్ స్థానాలు, జిల్లాలోని 19 వార్డులు, మందమర్రి మండలంలోని చిర్రకుంట ఎంసీటీసీ స్థానాలు వివిధ కారణాలతో ఖాళీ అయ్యాయి. ఈ ప్రక్రియ పూర్తవగానే ప్రభుత్వం ఎప్పుడైనా పంచాయతీ, వార్డుమెంబర్, ఎంపీటీసీ స్థానాలకు ఎన్నికల షెడ్యూల్ ప్రకటించే అవకాశం ఉందని పంచాయతీ అధికారులు పేర్కొంటున్నారు.
ఇవి కూడా చదవండి
మామిడి టెంక పారేస్తున్నారా.. ఇలా చేస్తే చుండ్రుకు చెక్ పెట్టొచ్చు
అంజీర్ పండ్లతో శృంగార సమస్యలకు చెక్..!