ప్రస్తుతం టాలీవుడ్లో టాప్ మ్యూజిక్ డైరెక్టర్గా ఓ వెలుగు వెలుగుతున్నాడు థమన్. ఆయన స్వరపరచిన సంగీతానికి మంచి రెస్పాన్స్ వస్తున్న నేపథ్యంలో దర్శకులు థమన్ వెంటే పడుతున్నారు.ప్రస్తుతం థమన్ చేతిలో అరడజనుకి పైగా ప్రాజెక్టులు ఉన్నాయి. నాని నటించిన టక్ జగదీష్ చిత్రానికి కూడా థమన్ సంగీత దర్శకుడు కాగా, ఇప్పుడు ఆయన స్థానంలో గోపి సుందర్ని తీసుకున్నట్టు తెలుస్తుంది.
టక్ జగదీష్ చిత్రం శివ నిర్వాణ దర్శకత్వంలో తెరకెక్కగా ఈ సినిమాకి థమన్ సంగీతం అందించనున్నట్టు గతంలో ప్రకటించారు. శివ నిర్వాణ తెరకెక్కించిన మజిలీ సినిమాకు బ్యాక్ గ్రౌండ్ స్కోర్ థమన్ అందించగా,ఆ పని నచ్చిన శివ.. టక్ జగదీష్కి థమన్ని తీసుకున్నారు.అయితే ఇప్పుడు థమన్ కు శివ నిర్వాణకు క్రియేటివ్ డిఫరెన్సెస్ వచ్చాయని, ఇద్దరూ మాట్లాడుకునే పరిస్థితిలో లేరని సమాచారం. దీంతో ఇక చేసేది లేక టక్ జగదీష్ పోస్ట్ ప్రొడక్షన్ వర్క్ ను థమన్ కాకుండా గోపి సుందర్ తో చేయించుకున్నాడట శివ నిర్వాణ.
ఈ వార్తలో ఎంత నిజం ఉందనేది తెలియాల్సి ఉంది. టక్ జగదీష్ చిత్రంలో నాని “జగదీష్” అనే టైటిల్ పాత్రలో నటిస్తున్నాడు. చిత్ర కథాంశం గ్రామీణ నేపథ్యంలో కొనసాగనుంది . చిత్రంలో రీతు వర్మ, ఐశ్వర్య రాజేష్, జగపతి బాబు నటించారు. “నిన్ను కోరి” అనే సూపర్ హిట్ చిత్రం తర్వాత నాని, నిర్వాణ కాంబినేషన్ లో వస్తున్న రెండవ చిత్రమిది.“టక్ జగదీష్” కాకుండా నేచురల్ స్టార్ నాని చేతిలో “శ్యామ్ సింగ రాయ్”, “అంటే సుందరానికి” చిత్రాలు ఉన్నాయి.