సోమవారం 21 సెప్టెంబర్ 2020
Cinema - Aug 14, 2020 , 19:37:37

రొమాంటిక్ బ్లాక్ బస్టర్ ‘గీత గోవిందం’ విడుదలై రెండేళ్లు

రొమాంటిక్ బ్లాక్ బస్టర్ ‘గీత గోవిందం’ విడుదలై రెండేళ్లు

మెగా నిర్మాత అల్లు అరవింధ్ స‌మర్పణలో GA 2 పిక్చర్స్ పతాకంపై సక్సెస్ ఫుల్ ప్రొడ్యూసర్ బన్నీ వాసు నిర్మించిన సినిమా "గీత గోవిందం" టాలెంటెడ్ డైరెక్టర్ పరుశురాం తెరకెక్కించిన ఈ సినిమాలో విజయ్ దేవరకొండ, కన్నడ బ్యూటీ రష్మిక మందాన గోవింద్, గీత పాత్రల్లో ఒదిగిపోయారు. గోపి సుందర్ అందించిన మ్యూజిక్ ఈ సినిమాకు మరొక అసెట్. రెండేళ్ల క్రితం ఆగష్టు 15న ప్రపంచ వ్యాప్తంగా విడుదలై 100 కోట్లకు పైగా కలెక్షన్స్ సాధించి, బ్లాక్ బస్టర్ హిట్ గా నిలిచింది. ఈ నేపథ్యంలో నేటితో ఈ  స‌ర్ ఫ్రైజ్ బ్లాక్ బాస్ట‌ర్ విడుదలై రెండేళ్లు పూర్తి చేసుకుంది.


ప‌ర‌శురాం డైరెక్షన్ స్కిల్స్ 

మొదటి నుంచి అన్ని వర్గాల ప్రేక్షకులను ఆకట్టుకునే రీతిలో కమర్షియల్ ఎంటెర్ టైన‌ర్స్  రూపొందిస్తున్న  పరుశరామ్ గీత గోవిందం సినిమాతో టాప్ లీగ్ లోకి వెళ్లిపోయారు. థియేటర్ కి వెళ్లి హాయిగా చూసి నవ్వుకొని, ఎంజాయ్ చేసి వచ్చేలా ఈ చిత్రాన్ని మలచడంలో పరుశరామ్ కీలక‌మ‌ని చెప్పాలి. కథ ఎక్కడా గాడి తప్పకుండా అందులోనే కమర్షియల్ అంశాలు జోడించి, గీత గోవిందంను బ్లాక్ బ్లాస్ట‌ర్ సినిమాగా మార్చి తన ప్రతిభను నిరూపించుకున్నారు. అలానే సినిమాటోగ్రాఫర్ ఎస్ మణికందన్  కెమెరా పని తనం ఈ చిత్రాన్ని ఓ విజువల్ ఫీస్ట్ గా మార్చేసింది.



గీతా ఆర్ట్స్ ప్రోడక్ట్ 

గీతా ఆర్ట్స్ కాంపౌండ్ నుంచి యే సినిమా వచ్చినా, అది ఓ రేంజ్ సక్సెస్ ఇస్తుందనే నమ్మకాన్ని గీతా గోవిందం మరోసారి రుజువు చేసింది. మెగా ప్రొడ్యూసర్ అల్లు అరవింద్ నిర్మాణ సారథ్యంలో, బన్నీ వాసు నిర్మాతగా వచ్చిన ఈ సినిమా 100 కోట్లు కలెక్ట్ చేయడంలో గీతా ఆర్ట్స్ సినిమా అనే బ్రాండ్ గీత గోవిందం పై ఉండటమే ముఖ్య కారణం. 


విజయ్ దేవరకొండను ఫామిలీ ఆడియన్స్ కి దగ్గర చేసిన సినిమా 

అర్జున్ రెడ్డి తరువాత వస్తున్న సినిమా కావడంతో గీత గోవిందంపై భారీ అంచనాలే ఏర్పడ్డాయి. ఐతే అర్జున్ రెడ్డిని  ఎక్కువగా యూత్ ఫాలో ఐయ్యారు. కానీ గీతా గోవిందంతో అటు యూత్ ని ఇటు ఫ్యామిలీ ఆడియన్స్ ని ఒకేసారి సంపాదించుకున్నారు విజయ్ దేవరకొండ. అలానే కెరీర్ బిగ్గెస్ట్ బ్లాక్ బ్లాస్ట‌ర్ హిట్ గీత గోవిందం రూపంలో విజయ్ ఖాతాలోకి వచ్చి చేరింది. అలానే ఈ సినిమాలో గీత గా నటించిన రష్మిక కూడా ఓవర్ నైట్ స్టార్ అయిపోయింది.


మరుపురాని గీతం ఇంకేం ఇంకేం కావాలె..

ఈ దశాబ్ధపు మరుపు రాని గీతాల్లో గీత గోవిందం మ్యూజిక్ ఆల్బమ్ లో ఉన్న ఇంకేం ఇంకేం కావాలె పాట టాప్ 3 పొజిషన్ లో ఉండటం ఖాయం. ఈ పాట రిలీజ్ అయిన దగ్గర నుంచే గీత గోవిందం సినిమాకు విపరీతమైన క్రేజ్ వచ్చిన సంగతి తెలిసిందే. ఇప్పటి వరకు ఈ పాటకు దాదాపు మూడు వందల ఏభై ఐదు మిలియన్ వ్యూస్ వచ్చాయి అంటే ఈ పాటని ప్రేకక్షులు యే రేంజ్ లో విన్నారో అర్ధం చేసుకోవచ్చు. మొత్తంగా గీత గోవిందం మ్యూజికల్ హిట్ గా రికార్డ్స్ బ్రేక్ చేసి ఈ రోజుతో రెండేళ్లు పూర్తి చేసుకుంది.


లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.


logo