పిల్లా, పెద్ద అనే తేడా లేకుండా తొమ్మిదేళ్ల క్రితం అందరు ఓ పాటకు ఊగిపోయారు. ఎక్కడ చూసినా అదే పాట. ఎవరి నోట విన్నా అదే సాంగ్. హుషారెత్తించే మ్యూజిక్తో గ్లోబ్ మొత్తాన్ని చిందులేయించిన ఈ సాంగ్ యూట్యూబ్లో తొలిసారి మిలియన్లైకులతో గిన్నిస్ బుక్ రికార్డు నమోదు చేసుకుంది. ఈ పాటకు సంబంధించిన టీజర్ని జులై 12న విడుదల చేయగా, జులై 15న ఆడియోతో పాటు ఒకేసారి యూట్యూబ్లో అప్లోడ్ అయ్యింది.
ప్రస్తుతం 4 బిలియన్ల వ్యూస్కి పైగా.. ఓవరాల్ టాప్ పొజిషన్ సాంగ్ లిస్ట్లో ఎనిమిదో పొజిషన్లో కొనసాగుతోంది గంగ్నమ్స్టైల్. పేరడీలు, మిగతా వెర్షన్లు ఇవన్నీ లెక్కేస్తే ప్రస్తుతం టాప్ పొజిషన్లో ఉన్న డెస్పాసిటోను ఎనిమిదేళ్ల క్రితమే గంగ్నమ్ స్టైల్ దాటేసింది. ‘ఒప్ప గంగ్నమ్ స్టైల్..’ గగ్నమ్ అనేది సౌత్ కొరియాలో ఒక జిల్లా. కొరియన్ పాప్ సింగర్ సై పుట్టి, పెరిగింది అక్కడే. అందుకే అక్కడి ఆడవాళ్ల లైఫ్ స్టైల్ గురించి చెప్పడానికే ఆ ఆల్బమ్ను కంపోజ్ చేశాడు. 2012లో జూలై 15న విడుదలైన ఈ సాంగ్ ఎన్నో సెన్సేషన్స్ క్రియేట్ చేసింది.