ప్రముఖ బాలీవుడ్ నటుడు ఇర్ఫాన్ ఖాన్ గత ఏడాది ఇదే రోజు క్యాన్సర్ కారణంగా కన్నుమూసిన సంగతి తెలిసిందే. ఆయన అకాల మరణంతో కుటుంబ సభ్యులతో పాటు అభిమానులు శోక సంద్రంలో మునిగిపోయారు. ఇర్ఫన్ మనల్ని వీడి ఏడాది గడచిన కూడా ఇంకా ఆయన జ్ఞాపకాలు అందరి మదిలో మెదులుతూనే ఉన్నాయి. ఇర్ఫాన్ ఖాన్ తన విలక్షణమైన నటనతో విమర్శకుల ప్రశంసలు పొందడమే కాకుండా వాణిజ్యపరంగాను సత్తా చాటారు.
53 ఏళ్ల వయస్సులో కన్నుమూసిన ఇర్ఫాన్ ఖాన్ చివరిగా ఆంగ్రేజీ మీడియం అనే చిత్రంలో కనిపించారు. బాలీవుడ్లోనే కాకుండా జురాసిక్ పార్క్ (2015), ఇన్ఫెర్నో (2016) వంటి హాలీవుడ్ చిత్రాలలో కూడా ఇర్ఫాన్ నటించారు. ఇటీవల, అకాడమీ మరియు గోల్డెన్ గ్లోబ్ అవార్డులు కూడా దివంగత నటుడికి నివాళి అర్పించాయి. ఈ రోజు ఇర్ఫాన్ తొలి వర్ధంతి కాగా, అతని కొడుకు, భార్య, అభిమానులు ఆయనకు ఘన నివాళులు అర్పిస్తున్నారు.
ఇవికూడా చదవండి..