అందాల అనసూయ యాంకర్గానే కాదు నటిగాను అలరిస్తుంది. కొత్త దర్శకుడు రమేష్ రాపర్తి దర్శకత్వంలో థ్యాంక్ యూ బ్రదర్ అనే చిత్రాన్ని చేయగా, ఇందులో అశ్విన్ విరాజ్ ప్రధాన పాత్ర పోషించాడు. ఏప్రిల్ 30న థియేటర్ లో విడుదల కావలసిన ఈ చిత్రం కరోనా వలన ఆహాలో మే 7న స్ట్రీమింగ్ కానుంది. ఈ చిత్రంలో అనసూయ గర్భవతిగా కనిపించి అలరించనుంది. ఇప్పటి వరకు చిత్రానికి సంబంధించిన విడుదలైన ప్రచార చిత్రాలు నెటిజన్స్ను ఎంతగానో ఆకట్టుకున్నాయి.
మరి కొద్ది రోజులలో విడుదల కానున్న థ్యాంక్ యూ బ్రదర్ సినిమాపై నెగెటివ్ ప్రచారం జరుగుతుంది. ఈ సినిమా రెండేళ్ల క్రితం వచ్చిన ‘ఎలివేటర్ బేబీ’ అనే నైజీరియన్ మూవీకి కాపీ అనే కామెంట్స్ వస్తున్నాయి.ఈ చిత్రానికి కాస్త మార్పులు చేర్పులు చేసి థ్యాంక్ యూ బ్రదర్ అనే సినిమా చేశారని, ఇప్పటి వరకు విడుదలైన ప్రమోషనల్ కంటెంట్ చూస్తే అదే అనుమానం కలుగుతుందని నెటిజన్స్ అంటున్నారు. సినిమా రిలీజ్ అయితే కాని అసలు విషయం ఏంటనే దానిపై క్లారిటీ రాదు. ఈ చిత్రానికి గుణ బాలసుబ్రమణియన్ సంగీతం సమకూర్చాగా, వైవా హర్ష , అర్చనా అనంత్, అనీష్ కురువిల్లా, మౌనికా రెడ్డి , ఆదర్శ్ బాలకృష్ణ , కాదంబరి కిరణ్ , అన్నపూర్ణ ,బాబీ రాఘవేంద్ర , సమీర్ ఇతర పాత్రలు పోషించారు.