బలుపు, జై లవకుశ, వెంకీమామ వంటి చిత్రాల దర్శకుడు కెఎస్.రవీంద్ర (బాబీ) తెలుగు ప్రేక్షకులకి చాలా సుపరిచితం. త్వరలో ఈ దర్శకుడు మెగాస్టార్ చిరంజీవితో కలిసి క్రేజీ ప్రాజెక్ట్ చేయబోతున్నాడు. ప్రస్తుతం ఈ సినిమాకు సంబంధించిన స్క్రిప్ట్ పనిలో బిజీగా ఉన్నాడు. అయితే బాబీకి రాఘేంద్రరావు తెరకెక్కంచిన గంగోత్రి సినిమాలో బన్నీ పక్కన నటించే ఛాన్స్ దక్కిందట. కాని పరువు పోతుందేమోననే భయంతో నటనకు దూరమై రచయితగా, దర్శకుడిగా స్థిరపడ్డాడు.
బాబీ గుంటూరులో చిరంజీవి అభిమాన సంఘం అధ్యక్షుడిగా ఉన్న సమయంలో రైటర్ చిన్ని కృష్ణ ప్రత్యేకంగా అతన్ని కలిసి హైదరాబాద్ వచ్చినప్పుడు కలమని చెప్పాడట. అలా చిన్నికృష్ణని బాబీ కలవగా,అతడు రాఘవేంద్రరావు దగ్గరకి తీసుకెళ్లాడట. వెంటనే గంగోత్రి చిత్రంలో బన్నీ ఫ్రెండ్ ఛాన్సిచ్చాడు. అయితే బాబీ నిక్కర్ వేసుకోవాలని అందుకోసం కొలతలు తీసుకోమ్మన్ని సహాయక దర్శకుడికి చెప్పారట. నిక్కర్ వేసుకుంటే గుంటూరులో తన పరువు పోతుందని బాబీ వెంటనే ఆ ఆఫర్ వద్దని అన్నాడట.మరి ఏం చేస్తావని చిన్ని కృష్ణ అడిగితే కథలు రాస్తానని అన్నాడట. దీంతో గంగోత్రికి పలు సీన్స్ రాయడం వారికి ఎంతగానో నచ్చడం జరిగింది.