ప్రముఖ మ్యూజిక్ ప్రొడక్షన్ హౌజ్ టీ సిరీస్ హెడ్ భూషణ్ కుమార్ వివాదంలో చిక్కుకున్నాడు. తన కంపెనీలో జాబ్ ఇస్తానని చెప్పి ఓ మహిళపై భూషణ్ అత్యాచారం చేసినట్టు ముంబైలోని డీఎన్ నగర్ పోలీస్ స్టేషన్ లో ఎఫ్ఐఆర్ నమోదైంది. అయితే ఇప్పటి వరకు అతనిని అరెస్ట్ చేయలేదని తెలుస్తుంది.
వివరాలలోకి వెళితే 2017లో తన ప్రాజెక్ట్స్లో ఉద్యోగం ఇస్తానని భూషణ్ కుమార్ నమ్మబలికించి ఓ మహిలను మూడేళ్ల పాటు అత్యాచారం చేశాడట. వివిధ ప్రాంతాలకు తీసుకెళ్లి మరి అఘాయిత్యానికి పాల్పడ్డాడని మహిళ తన ఫిర్యాదులో పేర్కొంది. ఇండియన్ పీనల్ కోడ్ సెక్షన్ 376 కింద భూషణ్ కుమార్పై కేసు నమోదైనట్టు తెలుస్తుంది.
30 ఏళ్ల బాధితురాలి ఇచ్చిన ఫిర్యాదు ఆధారంగా ముంబై పోలీసులు ఆయనని విచారించి స్టేట్మెంట్ రికార్డ్ చేయనున్నట్టు సమాచారం. భూషణ్ కుమార్ తనపై వస్తున్న ఆరోపణలపై స్పందించాల్సి ఉంది. టీ సిరీస్ స్థాపకుడు, మధురగాయకుడైన గుల్షన్ కుమార్ పెద్ద కొడుకు అయిన భూషణ్ కుమార్ ప్రస్తుతం టీ సిరీస్కి ఎండీగా కొనసాగుతున్నారు. తన తండ్రి మరణం తర్వాత 1997లో బాధ్యతలను అందుకున్నారు. 2001లో నిర్మాణ రంగంలోకి కూడా అడుగుపెట్టారు. భూల్ బులయ, రెడీ, ఆషిఖీ 2 చిత్రాలు ఆయన నిర్మాణంలో రూపొందినవే.