బొద్దుగా ఉండే కథానాయికల్ని దక్షిణాది ప్రేక్షకులు ఎక్కువగా ఇష్టపడుతారని అంటోంది అవికాగోర్. హీరోయిన్లు లావుగా ఉండటమనేది సౌత్ ఇండస్ట్రీలో సమస్య కాదని చెబుతోంది.ఇదివరకు బొద్దుగా ఉండే అవికా గోర్ ఇటీవలే బరువు తగ్గి నాజూకుగా తయారైంది. సినిమా అవకాశాలు తగ్గడంతోనే ఆమె సన్నబడిందంటూ ప్రచారం జరుగుతోంది. ఈ పుకార్లపై అవికాగోర్ స్పందిస్తూ ‘జీరోసైజ్ ట్రెండ్కు దక్షిణాదిలో ఆదరణ తక్కువే. కథానాయికలు బొద్దుగా కనిపించాలనే ఇక్కడి ప్రేక్షకులు కోరుకుంటారు. అలాంటి వారినే ఇష్టపడుతుంటారు. అందువల్లే బరువు ఎక్కువ ఉండటం సమస్యగా నేను ఎప్పుడూ భావించలేదు. బొద్దుగా ఉండటం వల్ల సినిమా అవకాశాల్ని కోల్పోయననేది అవాస్తవం. ఆరోగ్యాన్ని కాపాడుకోవడానికే సన్నబడ్డాను. అంతేకానీ సినిమా ఆఫర్ల కోసం కాదు. బరువు తగ్గడానికి కాస్మోటిక్ సర్జరీలు, అనారోగ్యకరమైన డైట్ను ఫాలో అవ్వలేదు. నచ్చినవి తింటూనే వర్కవుట్స్ ద్వారా సన్నబడ్డా’ అని తెలిపింది.