టోక్యో ఒలంపిక్స్లో భారత రెజ్లర్ రవికుమార్ దహియా సిల్వర్ పతకం సాధించిన విషయం తెలిసిందే. హోరా హోరిగా సాగిన ఫైనల్ మ్యాచ్లో పోరాడి ఓడిన రవి.. రజతం సొంతం చేసుకున్నాడు. రెండుసార్లు ప్రపంచ ఛాంపియన్గా నిలిచిన రెజ్లర్ జవుర్ ఉగేవ్ చేతిలో 7-4 తేడాతో ఓడిపోయాడు. దీంతో రవికుమార్కి రజతం దక్కింది. ఈ క్రమంలో టోక్యో ఒలింపిక్స్లో భారత పతకాల సంఖ్య ఐదుకు చేరింది.
రవి కుమార్ దహియా మొదటి నుండి కొనసాగించిన స్పూర్తిపై దేశం గర్వ పడుతుంది. సిల్వర్ పతకం దక్కించుకున్నందుకు ప్రధాని, రాష్ట్రపతితో పాటు పలువురు ప్రముఖులు రవికుమార్పై ప్రశంసల జల్లు కురిపిస్తున్నారు. నందమూరి బాలకృష్ణ తన సోషల్ మీడియా ద్వారా రవి కూమర్ని ప్రశంసించారు.
మన దేశం గర్వించే విజయం. రవి కుమార్ దహియా, మీరు నిజమైన వీరుడిలా పోరాడారు. దేశం గర్వించేలా చేశారు. టోక్యో ఒలంపిక్స్లో రజతం సాధించిన రవి కుమార్కి నా అభినందనలు. ఫైనల్లో అద్భుతంగా పోరాడి తన ప్రతిభ కనబరిచాడు. రవి కుమార్ని ఆదర్శంగా తీసుకొని చాలా మంది రెజ్లర్స్ తయారు కావాలని కోరుకుంటున్నాను. దేశ ప్రజల ఆశీస్సులు క్రీడా కారులకి ఎల్లవేళలా ఉంటాయి అని బాలయ్య తన పోస్ట్లో పేర్కొన్నారు. ప్రస్తుతం బాలకృష్ణ అఖండ సినిమాతో బిజీగా ఉన్న విషయం తెలిసిందే.