జబర్ధస్త్ కార్యక్రమంతో తెలుగు ప్రేక్షకులని అలరించిన అవినాష్ ..బిగ్ బాస్ షోతో మరింత దగ్గరయ్యాడు. సీజన్ 4కి వైల్డ్ కార్డ్ ఎంట్రీ ఇచ్చిన అవినాష్ హౌజ్లో ఉన్నన్ని రోజులు మంచి వినోదం పంచాడు. అంతేకాదు వీలున్నప్పుడల్లా తన పెళ్లి ప్రస్తావన తీసుకొచ్చేవాడు.ఒకానొక సమయంలో ఈయనకు ఇప్పట్లో పెళ్లి కాదా ఏంటి, ఇంతగా తహతహలాడుతున్నాడు అంటూ నెటిజన్స్ ముచ్చటించుకున్నారు.
ఎట్టకేలకు ఇటీవల తన సోషల్ మీడియాలో అనుజ అనే అమ్మాయితో తన నిశ్చితార్థం జరిగిందని చెప్పి సర్ప్రైజ్ ఇచ్చాడు. పెళ్లి డేట్ ఇంకా ఫిక్స్ కాలేదని అది ఫిక్స్ కాగానే ఆ విషయం తెలియజేస్తానని పేర్కొన్నాడు అవినాష్. అయితే తాజాగా జత కలిసే పేరుతో ఎంగేజ్మెంట్ వీడియో షేర్ చేశాడు. ఇందులోఅవినాష్ కుటుంబ సభ్యులు సందడి చేస్తూ కనిపించారు.
పూలు పండ్లు మార్చుకోవడం,ఆ తర్వాత అనుజతో అవినాష్ ఫొటో షూట్ చేయడం, కాబోయే శ్రీమతికి రొమాంటిక్గా ముద్దు పెట్టుకొని డ్యాన్స్ చేయడం వంటివి వీడియోలో చూపించారు. ప్రస్తుతం అవినాష్ ఎంగేజ్మెంట్ వీడియో సోషల్ మీడియాలో వైరల్గా మారింది. బిగ్ బాస్ తర్వాత అవినాష్.. అరియానాల వివాహం జరుగుతుందని అంతా అనుకున్నారు. కాని అనుజతో నిశ్చితార్థం జరుపుకొని షాక్ ఇచ్చాడు అవినాష్.