బుల్లితెర బిగ్ రియాలిటీ షో బిగ్ బాస్ కార్యక్రమంతో చాలా పాపులర్ అయిన కంటెస్టెంట్ అరియానా. గతంలో ఈ అమ్మడికి వర్మ ద్వారా కాస్త పాపులారిటీ దక్కింది. ఓ ఇంటర్వ్యూలో అరియానా బాడీపై వర్మ పలు కామెంట్స్ చేయడంతో ఆ వీడియో వైరల్ కాగా, అరియానా అందరి దృష్టిలో పడింది. బిగ్ బాస్తో ఫుల్ పాపులర్ అయింది. ఇక ఇప్పుడు టీవీ షోస్, సినిమాలతో బిజీ బిజీగా ఉంది అరియానా.
ఒక రకంగా చూస్తే అరియానా కెరియర్కు వర్మ చాలా సపోర్ట్ చేశాడనే చెప్పాలి. బిగ్ బాస్ టైంలోను ఆమెకు తన సపోర్ట్ అందించాడు. ఇటీవల గోవాలో వర్మని కలిసిన అరియానా ఆయనతో ఫొటోలు దిగి తన ఇన్స్టాగ్రామ్లో షేర్ చేసింది. ఇక తాజాగా వర్మని ఇంటర్వ్యూ చేసే క్రమంలో మరో సారి వర్మని కలిసింది. ఈ సారి ఇద్దరి ఫొటోలను ఆర్జీవి తన ట్విట్టర్లో షేర్ చేశాడు. బిగ్ బాస్ లిటిల్ బ్యూటీ అరియానా గ్లోరీ జిమ్ లో ఉండగా నన్ను ఇంటర్వ్యూ చేయడానికి వచ్చింది. ఇద్దరం కలిసి వర్కౌట్ చేశాం . ఇంటర్వ్యూ ఎపిసోడ్ త్వరలోనే ప్రసారం కానుందని పేర్కొన్నాడు. మొత్తానికి ఇంటర్వ్యూ చేయడానికి వచ్చిన అరియానాతో కూడా వర్మ జిమ్ చేయించడాని ఫొటోలని చూస్తుంటే అర్దమవుతుంది.