బిగ్ బాస్ సీజన్ 4 విన్నర్ అభిజీత్ ఎంత కూల్గా ఉంటాడో ప్రత్యేకంగా చెప్పనక్కర్లేదు. టైం వచ్చినప్పుడు జూలు విదిల్చే అభిజీత్ మాములు సమయంలో మాత్రం కూల్గా కనిపిస్తుంటాడు. బిగ్ బాస్ షో ద్వారా ఎంత మంది మనసులని గెలుచుకున్న అభిజీత్ చివరికి విన్నర్గా నిలిచాడు. అయితే బిగ్ బాస్ విన్నర్ అయిన వారు షో తర్వాత చేసే హంగామా మాములుగా ఉండదు.
కాని అభిజీత్ మాత్రం ఇంటి పట్టునే ఉంటూ సోషల్ మీడియా ద్వారా అభిమానులకి టచ్లో ఉంటున్నాడు. తాజాగా ట్విట్టర్లో ‘ఆస్క్ మి ఎనీథింగ్’ అనే సెషన్ను నిర్వహించగా, ఆ సెషన్లో ప్రశ్నల వర్షం కురిపించారు.అందులో కొన్నింటికి సమాధానం ఇచ్చాడు. మరి కొన్నింటికి మాత్రం ఇవ్వలేకపోయాడు.
ప్రస్తుతం తన ఆరోగ్యం బాగోలేదని, అందుకే సినిమాలు కూడా చేయట్లేదని చెప్పిన అభిజీత్, తనకు అన్నింటికన్నా ఆరోగ్యమే ఎక్కువ ముఖ్యం అని తెలిపారు. లైఫ్ ఈజ్ బ్యూటిఫుల్ సినిమాతో హీరోగా ఎంట్రీ ఇచ్చిన అభిజిత్ బిగ్బాస్ షోతో ఎక్కువ మంది ఆదరణ పొందాడు. ముఖ్యంగా ఎంతోమంది అమ్మాయిల మనసు దోచుకున్నాడు.