సంపూర్ణేష్బాబు, వాసంతి జంటగా నటిస్తున్న చిత్రం ‘క్యాలీఫ్లవర్’. ఆర్కే మలినేని దర్శకుడు. ఆశాజ్యోతి గోగినేని నిర్మాత. సినిమా చిత్రీకరణ పూర్తయింది. ఈ విషయాన్ని తెలియజేస్తూ కొత్త పోస్టర్ను ట్విట్టర్ ద్వారా అభిమానులతో పంచుకున్నారు సంపూర్ణేష్బాబు. నిర్మాత మాట్లాడుతూ ‘ఆద్యంతం వినోదప్రధానంగా తెరకెక్కుతున్న చిత్రమిది. అందరికి చిరపరచితుడైన వ్యక్తి తాలుకు ఎవరికీ తెలియని కథ ఇది. ఇందులో ఇంగ్లాండ్ నుంచి ఇండియా వచ్చిన ఆంగ్లేయుడిగా సంపూర్ణేష్బాబు కనిపిస్తారు. అతడి నటన, మేనరిజమ్స్ కడుపుబ్బా నవ్విస్తాయి. త్వరలో సినిమాను ప్రేక్షకుల ముందుకు తీసుకొస్తాం’ అని తెలిపారు. పోసాని కృష్ణమురళి, పృథ్వీ, నాగినీడు ప్రధాన పాత్రల్లో నటిస్తున్న ఈ చిత్రానికి ఛాయాగ్రహణం: ముజీర్ మాలిక్, సంగీతం: ప్రజ్వల్ క్రిష్.