పిల్ల‌ల‌తో 'అంత‌రిక్షం' టీం

Tue,September 25, 2018 09:39 AM

ఘాజీ చిత్రంతో నేష‌న‌ల్ స్టార్‌డం పొందిన డైరెక్టర్ సంక‌ల్ప్ రెడ్డి ప్రస్తుతం వరుణ్‌ తేజ్, అదితిరావు హైద‌రి, లావ‌ణ్య త్రిపాఠి ప్రధాన పాత్రలలో అంత‌రిక్షం అనే సినిమా చేస్తున్న సంగ‌తి తెలిసిందే. సైన్స్ ఫిక్షన్ నేపథ్యంలో తెరకెక్కుతున్న ఈ చిత్రం శరవేగంగా షూటింగ్ జరుపుకుంటుంది. ఈ సినిమా కోసం వరుణ్‌ వ్యోమగామిగా కనిపించేందుకు ప్రత్యేక శిక్షణ కూడా తీసుకున్నాడని సమాచారం. హాలీవుడ్ టెక్నీషియన్స్ ఈ సినిమాకి పని చేస్తుండగా, విజువల్ ఎఫెక్ట్స్ ఈ చిత్రంలో ఆకర్షణగా నిలవనున్నాయని అంటున్నారు. డిసెంబ‌ర్ 21న చిత్రం విడుద‌ల చేయ‌నున్నారు. చిత్రంలో మెగా ప్రిన్స్ వరుణ్‌, అదితి రావులు వ్యోమ‌గామిగా కనిపించ‌నున్నారని టాక్. తాజాగా చిత్ర షూటింగ్‌కి సంబంధించిన ఓ ఫోటోని సోష‌ల్ మీడియాలో షేర్ చేసింది చిత్ర యూనిట్‌. ఇందులో వ‌రుణ్‌, లావ‌ణ్య‌లు పిల్ల‌ల‌తో క‌లిసి ఫోటోల‌కి ఫోజులిచ్చారు. గౌతమీపుత్ర శాతకర్ణి తో బ్లాక్ బస్టర్ హిట్ సొంతం చేసుకొన్న ఫస్ట్ ఫ్రేమ్ ఎంటర్ టైన్మెంట్స్ సంస్థ ఈ చిత్రాన్ని నిర్మిస్తుంది. ఘాజీ చిత్రంలానే ఈ సినిమా భారీ హిట్ అవుతుందని టీం భావిస్తుంది. ఈ మూవీకి ప్రశాంత్‌ ఆర్‌. విహారి సంగీతం అందిస్తున్నారు. వి.ఎస్‌. జ్ఞానశేఖర్‌ ఛాయా గ్రాహకుడు

1953
Follow us on : Facebook | Twitter

More News

VIRAL NEWS

Featured Articles

Health Articles