సెప్టెంబ‌ర్‌లో వ‌స్తున్న 'సిల్లీ ఫెల్లోస్'

Fri,August 10, 2018 11:16 AM
silli fellows released on september

కామెడీ హీరోస్ అల్లరి నరేష్, సునీల్ కథానాయకులుగా ఓ మల్టీ స్టారర్ తెరకెక్కుతున్న సంగతి తెలిసిందే. హీరోయిజంతో పాటు కామెడీని కలగలిపి ప్రేక్షకులని కడుపుబ్బ నవ్విస్తున్న ఈ ఇద్దరు హీరోల సినిమా అంటే ప్రేక్షకులలో మరింత ఆసక్తి నెలకొంది. నరేష్ తో సుడిగాడు అనే చిత్రాన్ని తీసిన భీమినేని శ్రీనివాస్ ఈ ప్రాజెక్ట్ డీల్ చేస్తున్నాడు. సిల్లీ ఫెల్లోస్ అనే టైటిల్‌తో రూపొందిన ఈ చిత్రం సెప్టెంబర్ 7న విడుద‌లయ్యేందుకు సిద్ధ‌మైంది. సినిమాకి సంబంధించిన అన్ని ప‌నులు పూర్తి కావ‌డంతో సినిమాకి సంబంధించిన ప్ర‌మోష‌న్ కార్య‌క్ర‌మాల‌ని భారీగా నిర్వ‌హించాల‌ని భావిస్తున్నార‌ట‌. కొన్నాళ్ళుగా స‌రైన హిట్స్ లేని హీరోలు సునీల్‌, అల్ల‌రి న‌రేష్ ఈ ప్రాజెక్ట్‌పై భారీ హోప్స్ పెట్టుకున్నారు. చిత్రంలో కథానాయికలుగా రకుల్ ప్రీత్ సింగ్, లావణ్య త్రిపాఠిలని తీసుకున్నార‌ని టాక్‌. గతంలో అల్లరి నరేశ్ .. సునీల్ కాంబినేషన్లో 'తొట్టి గ్యాంగ్' సినిమా వచ్చింది. ఆ సినిమాలో అల్లరి నరేశ్ హీరో అయితే .. సునీల్ కమెడియన్‌గా నటించిన విషయం విదితమే. ప్ర‌స్తుతం సునీల్ హీరోగానే కాక క‌మెడీయ‌న్‌గా ప‌లు సినిమాల‌లో న‌టిస్తున్నాడు. అల్ల‌రి న‌రేష్ మ‌హేష్ మ‌హ‌ర్షి సినిమాలో కీల‌క పాత్ర పోషిస్తున్నాడు.

868
Follow us on : Facebook | Twitter

More News

VIRAL NEWS