రానా బాలీవుడ్ క్లాసిక్ రీమేక్ టైటిల్ లోగో విడుద‌ల‌

Thu,December 14, 2017 12:10 PM
రానా బాలీవుడ్ క్లాసిక్ రీమేక్ టైటిల్ లోగో విడుద‌ల‌

ఒకే చ‌ట్రంలో ఇరుక్కోకుండా కెరీర్‌లో వైవిధ్య‌మైన సినిమాలు చేస్తున్న హీరో రానా ద‌గ్గుబాటి. కేవ‌లం తెలుగుకే ప‌రిమితం కాకుండా బ‌హుభాషా న‌టుడిగా గుర్తింపు తెచ్చుకున్నాడు రానా. ప్ర‌స్తుతం నేతాజీ సుభాష్ చంద్రబోస్ సైన్యంలోని ఓ సైనికుడి ప్రేమ కథ నేపథ్యంలో సినిమా చేస్తున్నాడు. ఈ చిత్రంలో రానా నేతాజీ సైన్యంలోని సిపాయిగా కనిపించనున్నట్టు సమాచారం. ఇది 1945వ సంవత్సరానికి సంబంధించిన కథ కాగా, అప్పటి కాలంలో జరిగిన కొన్ని సంఘటనలని మన కళ్ళకు కట్టినట్టు చూపించేందుకు ఈ సినిమా చేస్తున్నట్టు సమాచారం. ఇక ఇదే కాక పీరియడ్ డ్రామాగా తెరకెక్కనున్న చిత్రంలో కేరళ ట్రావెన్కోర్ ప్రాంతానికి చెందిన మహారాజ తిరునాళ్ మార్తాండ్ వర్మ పాత్ర పోషించ‌నున్నాడు రానా. ఈ చిత్రం తెలుగు, త‌మిళ భాష‌ల‌లో ఏక‌కాలంలో రూపొంద‌నుంది. వీటితో పాటు 1971లో హిందీలో వచ్చిన హథీ మేరీ సాథీ రీమేక్ చిత్రం చేస్తున్నాడు. రాజేశ్ ఖన్నా, తనూజ ప్రధాన పాత్రలో హథీ మేరీ సాథీ అనే చిత్రం తెరకెక్కింది. ఇప్పుడు ఈ మూవీని తెలుగు, తమిళం , హిందీ భాషలలో భారీ బడ్జెట్ తో ఏకకాలంలో రూపొందించబోతున్నాడు దర్శకుడు సోలొమాన్. ట్రినిటీ పిక్చర్స్ సంస్థ ఈ మూవీని నిర్మిస్తుంది. 2018 జనవరి నుండి భారత్, థాయ్ లాండ్ లలో మూవీ చిత్రీకరణ జరగనుందని తెలుస్తుంది. దీపావళికి ప్రేక్షకులకు ముందుకు తేవాలని టీం భావిస్తుంది. అయితే ఈ రోజు రానా బ‌ర్త్‌డే సంద‌ర్భంగా సినిమా టైటిల్ లోగోను రివీల్ చేశారు. ఫస్ట్ లుక్ ను న్యూ ఇయర్ కానుకగా 2018 జనవరి 1న రిలీజ్ చేయనున్నట్టుగా ప్రకటించారు.



1039
data-page-url = "https://www.ntnews.com/about-us.aspx">

More News

VIRAL NEWS