కిచ్చా సుదీప్ 'ప‌హిల్వాన్' ట్రైల‌ర్ విడుద‌ల‌

Thu,August 22, 2019 01:21 PM
Pailwaan Official Trailer released

ఈగ‌, బాహుబ‌లి వంటి చిత్రాల‌తో తెలుగు ప్రేక్ష‌కుల‌కి ద‌గ్గ‌రైన క‌న్న‌డ న‌టుడు సుదీప్. ప్ర‌స్తుతం ఈ న‌టుడు ఎస్‌.కృష్ణ ద‌ర్శ‌క‌త్వంలో ప‌హిల్వాన్ అనే చిత్రం చేస్తున్నాడు. స్వప్న కృష్ణ పహిల్వాన్‌ నేతృత్వంలో నిర్మిత‌మ‌వుతున్న ఈ చిత్రంలో కిచ్చ సుదీప్‌ పహిల్వాన్‌గా కనిపించబోతున్నారు. ఈ సినిమా కోసం ప‌లు కసరత్తులు సైతం చేశారు సుదీప్. ప్రముఖ బాలీవుడ్‌ నటుడు సునీల్‌ శెట్టి ఈ చిత్రంలో కీల‌క పాత్ర పోషిస్తున్నారు. తొలిసారిగా సుదీప్‌ ఈ సినిమాలో కుస్తీ వీరునిగా, బాక్సర్‌గా అభిమానులను అలరించబోతున్నారు. ఆకాంక్ష సింగ్ హీరోయిన్‌గా నటిస్తున్న ఈ సినిమాలో కబీర్‌ దుహాన్‌సింగ్‌ ప్రతినాయక పాత్రలో కనిపించనున్నారు. స్టంట్స్‌ కోసం హాలీవుడ్‌ నుంచి లార్వెన్‌ సోహైల్‌ అనే నిపుణున్ని కూడా పిలిపించారు.

అర్జున్ జ‌న్యా సంగీతం అందించిన ఈ చిత్రం తెలుగులో ప‌హిల్వాన్ అనే టైటిల్ తో విడుద‌ల కానుంది. ఆ మ‌ధ్య మెగాస్టార్ చిరంజీవి చేతుల మీదుగా ఫ‌స్ట్ లుక్ విడుద‌ల చేయించారు. తాజాగా చిత్ర ట్రైల‌ర్ విడుద‌లైంది. ఇందులోని స‌న్నివేశాలు సినిమాపై ఆస‌క్తిని క‌లిగిస్తున్నాయి. బ‌లం ఉంద‌నే అహంతో కొట్టేవాడు రౌడీ..బ‌ల‌మైన కార‌ణం కోసం కొట్టేవాడు యోధుడు అనే డైలాగ్ ఆక‌ట్టుకుంటుంది. త‌న కలని సుదీప్ ఎలా నెరవేర్చుకున్నాడో సినిమా చూస్తే అర్ద‌మ‌వుతుంది. సెప్టెంబ‌ర్ 12న చిత్రం విడుద‌ల కానుంది. తాజాగా విడుద‌లైన ట్రైల‌ర్‌పై మీరు ఓ లుక్కేయండి.

1211
Follow us on : Facebook | Twitter

More News

VIRAL NEWS

Featured Articles

Health Articles