తెలుగ‌మ్మాయి కావ‌లెను

Wed,September 5, 2018 09:14 AM
Mythri Movie Makers cating call

న‌వీన్ ఎర్నేని, ర‌విశంక‌ర్, మోహ‌న్ ముగ్గురు క‌లిసి నిర్మించిన సంస్థ‌ మైత్రి మూవీ మేకర్స్ బేన‌ర్‌. విల‌క్ష‌ణ‌మైన సినిమాలు చేస్తూ వెళుతున్న వీరిని వ‌రుస విజ‌యాలు ప‌ల‌క‌రిస్తున్నాయి. మైత్రి మూవీ మేకర్స్ బేన‌ర్‌పై రూపొందిన శ్రీమంతుడు, జ‌న‌తా గ్యారేజ్ , రంగ‌స్థ‌లం చిత్రాలు ఎంత పెద్ద విజ‌యం సాధించాయో ప్ర‌త్యేకంగా చెప్ప‌న‌క్క‌ర్లేదు. ఇప్పుడు ఈ బేన‌ర్‌లో ర‌వితేజ హీరోగా అమ‌ర్ అక్బ‌ర్ ఆంటోని అనే సినిమా రూపొందుతుంది. శ్రీను వైట్ల ద‌ర్శ‌క‌త్వంలో తెర‌కెక్కుతున్న ఈ చిత్రాన్ని అక్టోబ‌ర్ 5న విడుద‌ల చేయ‌నున్నారు. ఇక చైతూ హీరోగా చందూ మొండేటి ద‌ర్శ‌క‌త్వంలో రూపొందుతున్న స‌వ్యసాచి చిత్రం కూడా ఇదే బేన‌ర్‌పై నిర్మిత‌మ‌వుతుంది. ఈ చిత్రాన్ని న‌వంబ‌ర్ 2న విడుద‌ల చేసేందుకు స‌న్నాహాలు చేస్తున్నారు. ఈ రెండు సినిమాల‌పై చాలా ఎక్స్‌పెక్టేష‌న్స్ ఉన్నాయి.

మైత్రి మూవీ మేకర్స్ బేన‌ర్‌పై ర‌వితేజ హీరోగా సంతోష్ శ్రీనివాస్ ద‌ర్శ‌క‌త్వంలో ఓ మూవీ రూపొంద‌నుంది. కాజ‌ల్‌, కేథ‌రిన్ క‌థానాయిక‌లుగా చిత్రం తెర‌కెక్క‌నుంది. విజ‌య్ దేవ‌ర‌కొండ హీరోగా డియ‌ర్ కామ్రేడ్ అనే చిత్రం కూడా ఇదే బేన‌ర్‌పై నిర్మిత‌మ‌వుతుంది. ఈ సినిమాపై బోలెడ‌న్ని అంచ‌నాలు ఉన్నాయి. ఇక మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్న ఓ చిత్రంలో నటించేందుకు హీరోయిన్‌ కోసం వేట ప్రారంభించారు. రంగస్థలం చిత్రానికి రైటర్‌గా పని చేసిన బుచ్చి బాబు స‌నా ద‌ర్శ‌క‌త్వం వ‌హిస్తున్న చిత్రానికి కాస్టింగ్ కాల్ ఇచ్చారు. ఈ చిత్రం కోసం తెలుగ‌మ్మాయి కావాల‌ని పోస్ట‌ర్ విడుద‌ల చేశారు. ఈ పోస్టర్‌లో అమ్మాయి వయస్సు 18-24 సంవత్సరాల మధ్యలో ఉండాలని పేర్కొంది. తెలుగు అమ్మాయిలకు మాత్రమే ఈ అవకాశం అని ప్రత్యేకంగా తెలిపింది. ఆసక్తికల వారు తమ ప్రొఫైల్, డెమో రీల్స్, ఇంట్రో వీడియోలను తమకు మెయిల్ చేయాలని స్పష్టం చేసింది.


6211
Follow us on : Facebook | Twitter

More News

VIRAL NEWS