మ‌ణిర‌త్నం సెట్స్‌లో స్టార్స్‌..

Tue,March 13, 2018 09:14 AM
mani ratnam movie goes on to the sets

స్టార్ డైరెక్ట‌ర్ మ‌ణిర‌త్నం చివ‌రిగా చెలియా అనే చిత్రంతో ప్రేక్ష‌కుల ముందుకు వచ్చిన సంగ‌తి తెలిసిందే. ప్ర‌స్తుతం మ‌ల్టీ స్టార‌ర్ చిత్రంతో బిజీగా ఉన్నాడు మ‌ణిర‌త్నం. తమిళ్‌లో ‘చెక్కవంద వానమ్‌’ (ఎర్రని ఆకాశం తెలుగులో)అనే టైటిల్‌తో ఈ చిత్రం రూపొందుతుండ‌గా, తెలుగులో ‘నవాబ్‌’ పేరుతో విడుద‌ల కానుంది . అర‌వింద్ స్వామి, విజ‌య్ సేతుప‌తి, శింబు, అరుణ్ విజ‌య్‌, జ్యోతిక‌, ఐశ్వ‌ర్య రాజేష్‌, అదితి రావు హైద‌రి, డ‌యానా ఎర‌ప్పా, ప్ర‌కాశ్ రాజ్ ప్ర‌ధాన పాత్ర‌ల‌లో రూపొందుతున్న ఈ చిత్రం రీసెంట్‌గా సెట్స్ పైకి వెళ్లింది. సీన్ గురించి శింబు, అదితి రావు హైద‌రితో మ‌ణిర‌త్నం డిస్క‌స్ చేస్తున్న ఫోటోలు కొన్ని బ‌య‌టికి వచ్చాయి. యాక్ష‌న్ థ్రిల్ల‌ర్‌గా తెర‌కెక్కుతున్న‌ ఈ చిత్రానికి డ‌బుల్ ఆస్కార్ విన్న‌ర్ ఏఆర్ రెహ‌మాన్ సంగీతం అందిస్తుండ‌గా, సంతోష్ శివ‌న్ సినిమాటోగ్రాఫ‌ర్‌గా పనిచేస్తున్నారు. లైకా ప్రొడ‌క్ష‌న్స్‌, మ‌ద్రాస్ టాకీస్ సంయుక్తంగా ఈ చిత్రాన్ని నిర్మిస్తున్నాయి. చిత్రంలో ఇద్ద‌రు హీరోలు అన్న‌ద‌మ్ములుగా క‌నిపించ‌నున్న‌ట్టు తెలుస్తుంది. మ‌ణిర‌త్నం- అర‌వింద్ స్వామి కాంబినేష‌న్‌లో వచ్చిన రోజా, ద‌ళ‌ప‌తి, బొంబాయి మరియు కాద‌ల్ వంటి హిట్ చిత్రాలు సూపర్ హిట్ కావ‌డంతో ఈ మూవీపై భారీ అంచ‌నాలు నెల‌కొన్నాయి. ఇక విజ‌య్ సేతుప‌తి, శింబుల‌తో ప‌నిచేయ‌డం మ‌ణిర‌త్నంకిదే తొలిసారి.

1869
Follow us on : Facebook | Twitter

More News

VIRAL NEWS

Featured Articles

Health Articles