మ‌ణిర‌త్నం మ‌ల్టీస్టారర్ సినిమాకి టైం ఫిక్స్

Sat,September 16, 2017 03:48 PM
Mani Ratnam MOVIE GOES FLOOR ON JANUARY

మరపురాని మేలిమి ముత్యాల్లాంటి సినిమాల్ని తీస్తున్న‌ దర్శకుడు మణిరత్నం. ఎన్నో ఆణిముత్యాలు ఆయన దర్శకత్వంలో వచ్చాయి. రీసెంట్‌గా చెలియా సినిమాని తెర‌కెక్కించిన మ‌ణిర‌త్నం త‌న త‌దుప‌రి ప్రాజెక్ట్‌గా ఓ మ‌ల్టీస్టార‌ర్‌ని ప్లాన్ చేశాడు. అర‌వింద్ స్వామి, విజ‌య్ సేతుప‌తి, శింబు, ఫాహ‌ద్ ఫాజిల్ ప్ర‌ధాన పాత్ర‌లుగా ఈ చిత్రం రూపొందనుంది. ఈ సినిమాని వ‌చ్చే ఏడాది జ‌న‌వ‌రిలో సెట్స్ పైకి తీసుకెళ్ళ‌నున్న‌ట్టు చిత్ర యూనిట్ కొద్ది సేప‌టి క్రితం ప్ర‌క‌టించింది. యాక్ష‌న్ థ్రిల్ల‌ర్‌గా భారీ బ‌డ్జెట్‌తో తెర‌కెక్క‌నున్న ఈ చిత్రంలో జ్యోతిక‌, ఐశ్వ‌ర్య రాజేష్‌లు కూడా కీల‌క పాత్ర‌లు చేయ‌నున్న‌ట్టు తెలుస్తుంది. ఇక సంగీతం విష‌యానికి వ‌స్తే డ‌బుల్ ఆస్కార్ విన్న‌ర్ ఏఆర్ రెహ‌మాన్‌ని సంగీత ద‌ర్శ‌కుడిగా తీసుకోవాల‌ని మేక‌ర్స్ భావిస్తున్న‌ట్టు టాక్. మ‌ణిర‌త్నం- అర‌వింద్ స్వామి కాంబినేష‌న్‌లో వచ్చిన రోజా, ద‌ళ‌ప‌తి, బొంబాయి మరియు కాద‌ల్ వంటి హిట్ చిత్రాలు సూపర్ హిట్ కావ‌డంతో ఈ మూవీపై భారీ అంచ‌నాలు నెల‌కొన్నాయి. ఇక విజ‌య్ సేతుప‌తి, శింబు, ఫాహ‌ద్ ఫాజిల్‌ల‌తో ప‌నిచేయ‌డం మ‌ణిర‌త్నంకిదే తొలిసారి. సంతోష్ శివ‌న్ ఈ చిత్రానికి సినిమాటోగ్రాఫ‌ర్‌గా పనిచేయ‌నుండ‌గా, మిగ‌తా కాస్ట్ అండ్ క్రూని ఎంపిక చేసి త్వ‌ర‌లోనే ఎనౌన్స్ చేయ‌నున్నారు. నేచుర‌ల్ స్టార్ నాని కూడా మ‌ణిర‌త్నం మల్టీ స్టార‌ర్ లో న‌టించ‌నున్నాడ‌ని వార్త‌లు వ‌చ్చాయి. మ‌రి దీనిపై క్లారిటీ ఎప్పుడు వ‌స్తుందో చూడాలి.

1340
Follow us on : Facebook | Twitter

More News

VIRAL NEWS

Featured Articles

Health Articles