వాషింగ్టన్: అమెరికా ఆదివారం (జులై 4) తన 245వ స్వాతంత్ర్య దినోత్సవాన్ని ఘనంగా జరుపుకున్న విషయం తెలుసు కదా. ఈ సందర్భంగా ఫేస్బుక్ సీఈవో మార్క్ జుకెర్బర్గ్ వేక్బోర్డింగ్ చేస్తూ ఈ ఇండిపెండెన్స్ డేను వినూత్నంగా జరుపుకున్నాడు. చేతుల్లో అమెరికా జెండాను పట్టుకొని ఆయన వేక్బోర్డింగ్ చేస్తున్న వీడియో ఇప్పుడు వైరల్గా మారింది. బ్యాక్గ్రౌండ్లో జాన్ డెన్వర్ ఫేమస్ సాంగ్ టేక్ మీ హోమ్, కంట్రీ రోడ్స్ ప్లే అవుతుండగా.. జుకెర్బర్గ్ వేక్బోర్డ్పై బ్యాలెన్స్ చేసుకుంటూ నీళ్లల్లో దూసుకెళ్లారు. మార్క్ 1984లో న్యూయార్క్లో జన్మించినా.. ఆయన పూర్వీకులు మాత్రం జర్మనీ, ఆస్ట్రియా, పోలాండ్లకు చెందిన వాళ్లు కావడం గమనార్హం.