Reliance | ముకేశ్ అంబానీ సారధ్యంలోని రిలయన్స్ బోర్డులో సౌదీ ఆరామ్ కో చైర్మన్కు స్వతంత్ర డైరెక్టర్ హోదా ఇవ్వడానికి వ్యతిరేకంగా ఓటేయాలని అమెరికా పెన్షన్ ఫండ్ నిర్ణయించింది. రిలయన్స్లో గతేడాది జూన్ 30 నాటికి అమెరికా పెన్షన్ ఫండ్కు 53 లక్షల షేర్లు ఉన్నాయి. దీంతో సౌదీ ఆరామ్ కో చైర్మన్ యాసిర్ అల్ రుమాయన్కు స్వతంత్ర డైరెక్టర్ హోదా కల్పించడానికి వ్యతిరేకంగా ఓటేయాలని కాలిఫోర్నియా స్టేట్ టీచర్స్ రిటైర్మెంట్ ఫండ్ నిర్ణయించింది.
సౌదీ ఆరామ్కోకు 20 శాతం వాటా విక్రయించాలని రిలయన్స్ నిర్ణయించింది. ఇందుకోసం సౌదీ ఆరాం కో చైర్మన్ యాసిర్ అల్ రుమాయన్ను స్వతంత్ర డైరెక్టర్గా నియమిస్తూ గత జూలై 19న ముకేశ్ అంబానీ నిర్ణయం తీసుకున్నారు. మరోవైపు ప్రపంచవ్యాప్తంగా యాసిర్ అల్ రుమాయన్ నియామకానికి వ్యతిరేకంగా 1200 మంది రిలయన్స్ ఇన్వెస్టర్లు ఓటేయాలని నిర్ణయించినట్లు వార్తలొచ్చాయి.