శుక్రవారం 03 ఏప్రిల్ 2020
Business - Jan 26, 2020 , 00:30:01

టీవీఎస్‌ ఈ-స్కూటర్‌

టీవీఎస్‌ ఈ-స్కూటర్‌

ఐ క్యూబ్‌ పేరుతో తమ తొలి ఎలక్ట్రిక్‌ ద్విచక్ర వాహనాన్ని ఆవిష్కరించింది. కర్ణాటక ముఖ్యమంత్రి బీఎస్‌ యెడ్యూరప్ప, కేంద్ర రవాణా శాఖ మంత్రి నితిన్‌ గడ్కరీ చేతుల మీదుగా ఐక్యూబ్‌ మార్కెట్‌కు పరిచయమైంది. బెంగళూరులో దీని ఆన్‌ రోడ్‌ ధర రూ.1.15 లక్షలుగా ఉన్నది.

  • ఐక్యూబ్‌ పేరుతో మార్కెట్‌కు పరిచయం
  • ధర రూ.1.15 లక్షలు

బెంగళూరు, జనవరి 25: టీవీఎస్‌ మోట ర్‌ కంపెనీ.. ఎలక్ట్రిక్‌ టూవీలర్‌ విభాగంలోకి అడుగుపెట్టింది. శనివారం ఇక్కడ ఐ క్యూబ్‌ పేరుతో తమ తొలి ఎలక్ట్రిక్‌ ద్విచక్ర వాహనాన్ని ఆవిష్కరించింది. కర్ణాటక ముఖ్యమంత్రి బీఎస్‌ యెడ్యూరప్ప, కేంద్ర రవాణా శాఖ మంత్రి నితిన్‌ గడ్కరీ చేతుల మీదుగా ఐక్యూబ్‌ మార్కెట్‌కు పరిచయమైంది. బెంగళూరులో దీని ఆన్‌ రోడ్‌ ధర రూ.1.15 లక్షలుగా ఉన్నది. 4.4 కిలోవాట్ల ఎలక్ట్రిక్‌ మోటర్‌ కలిగిన ఈ టూవీలర్‌ గరిష్ఠ వేగం గంటకు 78 కిలోమీటర్లు. కేవలం 4.2 సెకండ్లలో గంటకు 0 నుంచి 40 కిలోమీటర్ల వేగాన్ని అందుకోగలదని సంస్థ చైర్మన్‌ వేణు శ్రీనివాసన్‌ తెలిపారు. పర్యావరణహిత వాహనాలతో యువతను ఆకట్టుకునే దిశగా వెళ్తున్నామన్నారు. ఇక ఒక్కసారి పూర్తిస్థాయిలో చార్జింగ్‌ చేస్తే 75 కిలోమీటర్లు ప్రయాణించవచ్చు. రిమోట్‌ బ్యాటరీ చార్జ్‌ నావిగేషన్‌, జియో-ఫెన్సింగ్‌ తదితర ఫీచర్లు ఈ మోడల్‌లో ఉన్నాయి.



logo