పిల్లలు దాగుడుమూతలాట ఆడటం చూశాం. కానీ బాతు దాగుడుమూతలాట ఆడటం ఏంటని అనుకుంటున్నారా? అవును.. బాతు నిజంగానే తన పిల్లలతో దాగుడుమూతలాట ఆడింది. ఓ ట్విట్టర్ యూజర్ ఆ వీడియోను షేర్ చేశాడు.
24 సెకండ్ల నిడివి ఉన్న ఈ వీడియోలో.. నీటి కొలనులో ఉన్న బాతు పిల్లలు తన తల్లి దగ్గరికి వెళ్లగానే నీట మునిగింది. అలా మూడు సార్లు పిల్లలతో ఆట ఆడింది. అయితే దీనిపై నెటిజన్లు పలు రకాలుగా స్పందించారు. తన పిల్లలకు నీటిలో ఎలా మునగాలో తల్లి ట్రైనింగ్ ఇస్తుందని కొందరు కామెంట్ చేశారు. ఇతర జీవులు, మనషుల నుంచి ఎలా తప్పించుకోవాలో అనే విషయాన్ని పిల్లలకు తెలియజేసిందని ట్వీట్ చేశారు. అమ్మ మొదటి గురువు అని పేర్కొన్నారు.