రెపో రేటును మార్చ‌ని ఆర్బీఐ

ముంబై: కీల‌క వ‌డ్డీ రేట్ల‌ను రిజ‌ర్వ్ బ్యాంక్ ఆఫ్ ఇండియా (ఆర్బీఐ) మార్చ‌లేదు. దీంతో రెపో రేటు 4 శాతంగానే కొన‌సాగుతోంది. రేట్ల‌ను య‌థావిధిగా కొన‌సాగించ‌డం ఇది వ‌రుస‌గా మూడోసారని ఆర్బీఐ గ‌వ‌ర్న‌ర్ శ‌క్తికాంత దాస్ వెల్ల‌డించారు. మానిట‌రీ పాల‌సీ క‌మిటీ దీనికి ఏక‌గ్రీవంగా ఆమోదం తెలిపింద‌ని ఆయ‌న తెలిపారు. రివ‌ర్స్ రెపో రేటు కూడా 3.35 శాతంగానే కొన‌సాగుతోంది. కొవిడ్‌-19 ప్ర‌భావాన్ని సాధ్య‌మైనంత వ‌ర‌కూ త‌గ్గిస్తూ.. ద్ర‌వ్యోల్బ‌ణాన్ని నియంత్ర‌ణ‌లో ఉంచ‌డ‌మే ల‌క్ష్యంగా మానిట‌రీ పాల‌సీ క‌మిటీ నిర్ణయాలు తీసుకుంటోంద‌ని శ‌క్తికాంత దాస్ చెప్పారు. రెపో రేటు అంటే వాణిజ్య బ్యాంకుల‌కు ఆర్బీఐ ఇచ్చే అప్పుపై విధించే వ‌డ్డీ రేటు.