హైదరాబాద్: ఫర్నిచర్, హోం ప్రొడక్ట్స్కు పెట్టింది పేరు పెప్పర్ ఫ్రై. తన సేవల విస్తరణ ప్రణాళికలో భాగంగా హైదరాబాద్లోని మియాపూర్లో తొలి స్మాల్ ఫార్మాట్ స్టూడియోను ప్రారంభించింది. 525 చదరపు అడుగుల విస్తీర్ణంలో హోం పెడ్లర్స్ భాగస్వామ్యంతో ప్రారంభించిన ఈ స్టూడియో దేశంలోనే 75వది.. హైదరాబాద్లో మూడో స్టూడియో.. వచ్చే ఏడాది లోకగా 200కి పైగా స్టూడియోలను స్థాపించాలన్న లక్ష్యంతో ముందుకు సాగుతోంది పెప్పర్ ఫ్రై.
ఫర్నీచర్ అండ్ డెకరేషన్ రంగంలో కస్టమర్లకు అద్భుతమైన సేవలందిస్తున్నది. ఇప్పటికే పెప్పర్ ఫ్రై వెబ్సైట్లో లక్షకు పైగా ఉత్పత్తులు అందుబాటులో ఉన్నాయి. వినియోగదారుల కలల సాకారానికి అనుగుణంగా నాణ్యమైన ఉత్పత్తులను అందజేస్తున్నది. బంజారాహిల్స్లో 1880 చదరపు అడుగులు, గచ్చిబౌలిలో 3800 చదరపు అడుగుల విస్తీర్ణంలో పెప్పర్ఫ్రై అతిపెద్ద ఫార్మాట్ స్టూడియోలను నిర్వహిస్తున్నది.
పెప్పర్ ఫ్రై బిజినెస్ హెడ్ అమ్రుత గుప్తా స్పందిస్తూ పలు ప్రాంతాల కస్టమర్లకు అందుబాటులో ఉండే లక్ష్యంతో ముందుకెళ్తున్నామని చెప్పారు. వివేకం గల కస్టమర్లకు వారి ఆకాంక్షలకు అనుగుణంగా ఇండ్ల నిర్మాణంలో సహాయకారిగా ఉంటామని అన్నారు.
హోం పెడ్లర్స్ అధినేత శ్రీనివాస్ ప్రగల్లపాటి మాట్లాడుతూ హోం అండ్ ఫర్నిచర్ రంగంలో కస్టమర్లకు మార్గదర్శకత్వం వహించే సంస్థ పెప్పర్ ఫ్రై అని పేర్కొన్నారు.