సోమవారం 01 మార్చి 2021
Business - Jan 12, 2021 , 00:53:56

ఆవు పేడతో పెయింట్‌

ఆవు పేడతో పెయింట్‌

  • నేడు మార్కెట్లోప్రవేశపెట్టనున్న కేవీఐసీ

న్యూఢిల్లీ, జనవరి 11: ఖాదీ, గ్రామీణ పరిశ్రమల కమిషన్‌ (కేవీఐసీ).. ‘ఖాదీ ప్రాకృతిక్‌ పెయింట్‌' పేరుతో విష పదార్థాల్లేని పర్యావరణ అనుకూల (ఎకో ఫ్రెండ్లీ) పెయింట్‌ను మార్కెట్లోకి తీసుకురానున్నది. యాంటీ ఫంగల్‌, యాంటీ బాక్టీరియల్‌ గుణాలను కలిగి ఉండటం దీని ప్రత్యేకత. ప్రధానంగా ఆవు పేడతో తయారయ్యే ఈ పెయింట్‌కు ఎలాంటి వాసన ఉండదు. ఇలాంటి పెయింట్‌ అందుబాటులోకి రానుండటం ఇదే తొలిసారి. చాలా తక్కువ ధరలో లభించే ఈ పెయింట్‌ను బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) ఇప్పటికే సర్టిఫై చేసింది. కేంద్ర మంత్రి నితిన్‌ గడ్కరీ మంగళవారం ఈ పెయింట్‌ను మార్కెట్లో ప్రవేశపెట్టనున్నారు. డిస్టెంపర్‌, ప్లాస్టిక్‌ ఎమల్షన్‌ రూపాల్లో లభించే ఖాదీ ప్రాకృతిక్‌ పెయింట్‌లో సీసం, పాదరసం, క్రోమియం, ఆర్సెనిక్‌, కాడ్మియం లాంటి భార లోహాలేమీ ఉండవని కేవీఐసీ సోమవారం ఓ ప్రకటనలో వివరించింది.


VIDEOS

logo