బుధవారం 03 మార్చి 2021
Business - Jan 26, 2021 , 01:45:30

యూపీఎల్‌ సీఎండీకి పద్మ భూషణ్‌

యూపీఎల్‌ సీఎండీకి పద్మ భూషణ్‌

మరో నలుగురికి పద్మశ్రీలు

న్యూఢిల్లీ, జనవరి 25: యూపీఎల్‌ చైర్మన్‌, మేనేజింగ్‌ డైరెక్టర్‌ రజ్నీకాంత్‌ దేవీదాస్‌ ష్రాఫ్‌ను పద్మ భూషణ్‌ అవార్డు వరించింది. సోమవారం 119 మందికి కేంద్ర ప్రభుత్వం పద్మ అవార్డులను ప్రకటించింది. ఇందులో వాణిజ్య, వ్యాపార రంగాలకు చెందిన ఐదుగురున్నారు. వీరిలో ష్రాఫ్‌కు పద్మ భూషణ్‌ దక్కింది. పద్మశ్రీలు పొందినవారిలో రజ్నీ బెక్టర్‌ (బెక్టర్‌ ఫుడ్స్‌), జస్వంతీబెన్‌ జమ్నదాస్‌ పోపట్‌ (లిజ్జత్‌ పాపడ్‌), శ్రీధర్‌ వెంబు (జోహో కార్పొరేషన్‌), పీ సుబ్రమణియన్‌ (శాంతీ గేర్స్‌) ఉన్నారు. సుబ్రమణియన్‌కు మరణానంతరం ఈ గౌరవం లభించింది. ఏటా గణతంత్ర దినోత్సవానికి ముందు పద్మ అవార్డులను ప్రకటిస్తున్న విషయం తెలిసిందే.

VIDEOS

logo