గురువారం 25 ఫిబ్రవరి 2021
Business - Jan 08, 2021 , 00:22:51

విపణిలోకి లావా జడ్‌ సిరీస్‌ ఫోన్లు.. 11 నుంచి సేల్స్‌

విపణిలోకి లావా జడ్‌ సిరీస్‌ ఫోన్లు.. 11 నుంచి సేల్స్‌

న్యూఢిల్లీ: భారతీయ మొబైల్‌ ఫోన్ల తయారీ కంపెనీ గురువారం లావా నాలుగు కొత్త ఫోన్లు, ఒక ఫిట్‌నెస్‌ బ్యాండ్‌ను విపణిలోకి విడుదల చేసింది. పూర్తి దేశీయ పరిజ్ఞానంతో, 60 శాతం భారతీయ ఉత్పత్తులతో ఈ ఫోన్లు తయారైనట్లు కంపెనీ తెలిపింది. కొవిడ్‌-19 వల్ల ఇంటర్నేషనల్‌ ట్రాన్స్‌పోర్ట్‌ నెట్‌వర్క్‌ సిస్టం స్తంభించడంతో దేశీయ తయారీ రంగంపై తీవ్ర పభావం చూపింది. ఈ నేపథ్యంలో స్వదేశీ పరిజ్ఞానంతో అంతర్జాతీయ స్థాయి ఉత్పత్తులు తయారుచేయాలని ప్రధాని మోదీ పిలుపునిచ్చారు. 

ఇందులో భాగంగానే లావా జెడ్1, జెడ్‌2, జెడ్‌4, జెడ్6 పేరుతో నాలుగు కొత్త ఫోన్లు, లావా బేఫిట్ పేరుతో ఫిట్‌నెస్‌ బ్యాండ్‌ను వినియోగదారులకు అందుబాటులోకి తెచ్చింది. జెయూపీ పేరుతో ఏడాదిలోపు పాత లావా మోడల్‌ను కొత్త మోడల్‌తో రీప్లేస్‌ చేసుకునే అవకాశం కల్పిస్తున్నది. మరి కొత్త ఫోన్లలోని ఫీచర్లు, వాటి ధరతోపాటు ఎప్పటి నుంచి విక్రయం మొదలవుతుందో తెలుసుకుందాం.. 

లావా అందిస్తున్న ఎంట్రీలెవల్‌ ఫోన్ జెడ్‌1‌. ఇందులో 5-అంగుళాల డిస్‌ప్లేతోపాటు కార్నింగ్‌ గొరిల్లా గ్లాస్‌ 3 ప్రొటెక్షన్‌ ఉంది. మీడియాటెక్‌ హీలియో ఏ20 ప్రాసెసర్‌ వాడారు. 

ఫోన్ జెడ్‌1‌లో బ్యాక్‌ అండ్‌ ఫ్రంట్‌ 5 ఎంపీ సామర్థ్యం గల కెమెరాతోపాటు 3,100 ఎంఏహెచ్‌ సామర్థ్యం గల బ్యాటరీ అమర్చారు. 2 జీబీ ర్యామ్‌తోపాటు 16జీబీ ఇంటర్నల్ స్టోరేజీ సామర్థ్యం గల జడ్‌1 ఫోన్ రూ. 5,499లకే లభిస్తుంది. 

ఇక ఆండ్రాయిడ్ 10 ఆధారిత గో ఎడిషన్‌ ఓఎస్‌తో లావా జడ్‌2 పనిచేస్తుంది. 6.5-అంగుళాల హెచ్‌డీ+ ఐపీఎస్‌ వాటర్‌ డ్రాప్‌ నాచ్‌ డిస్‌ప్లేతోపాటు కర్వ్‌డ్‌ గొరిల్లా గ్లాస్‌ 3 ప్రొటెక్షన్ ఉంది. మీడియాటెక్‌ హీలియో జీ35 ప్రాసెసర్‌ను ఉపయోగించారు. 

లావా జడ్‌2లో మూడు కెమెరాలున్నాయి. వెనక 13 ఎంపీ ప్రైమరీ కెమెరాతో పాటు 2 ఎంపీ సెకండరీ కెమెరా, ఎల్‌ఈడీ ఫ్లాష్‌ ఇస్తున్నారు. ముందు సెల్ఫీల కోసం 8 ఎంపీ కెమెరా అమర్చారు. 

లావా జడ్‌2లో 5,000 ఎంఏహెచ్‌ సామర్థ్యం గల బ్యాటరీ ఉంది. 10 వాట్ ఫాస్ట్ ఛార్జింగ్ సపోర్ట్ చేస్తుంది. వెనక ఫింగర్‌ ప్రింట్ సెన్సర్‌ ఇస్తున్నారు. 2జీబీ ర్యామ్‌ విత్‌ 32జీబీ అంతర్గత మెమొరీ సామర్థ్యం గల ఫోన్‌ రూ. 6,999లకు లభిస్తుంది. 

6.5-అంగుళాల హెచ్‌డీ+ ఐపీఎస్‌ డిస్‌ప్లే గల లావా జడ్‌4లో ఫోన్‌లో కార్నింగ్ గొరిల్లా గ్లాస్‌ 3 ప్రొటెక్షన్‌ ఉంది. మీడియాటెక్‌ హీలియో జీ35 ప్రాసెసర్‌ ఉపయోగించారు. 

లావా జడ్‌4లో మొత్తం నాలుగు కెమెరాలున్నాయి. వెనక మూడు, ముందు ఒక కెమెరా ఇస్తున్నారు. వెనక వైపు 13 ఎంపీ ప్రైమరీ కెమెరాతో పాటు 5 ఎంపీ సెకండరీ కెమెరా, 2 ఎంపీ టెరిటరీ కెమెరా ఉన్నాయి. ముందు భాగంలో 16 ఎంపీ సెల్ఫీ కెమెరా అమర్చారు. 

లావా జడ్‌4లో 5,000 ఎంఏహెచ్‌ సామర్థ్యం గల బ్యాటరీ ఉంది. సైడ్‌ మౌంటెడ్‌ ఫింగర్‌ ప్రింట్ సెన్సర్‌ ఫీచర్‌ కూడా జత కలిపారు. ఈ ఫోన్‌లో 4 జీబీ ర్యామ్‌ విత్‌ 64జీబీ ఇంటర్నల్‌ స్టోరేజీ సామర్థ్యం ఉంది. ఈ ఫోన్‌ రూ. 8,999లకు లభిస్తుంది.      

లావా జెడ్6లోనూ కార్నింగ్ గొరిల్లా గ్లాస్‌ 3 ప్రొటెక్షన్‌తో 6.5-అంగుళాల హెచ్‌డీ+ డిస్‌ప్లే ఇస్తున్నారు. ఆండ్రాయిడ్ 10 ఓఎస్‌తో పనిచేస్తుంది. మీడియాటెక్‌ హీలియో జీ35 ప్రాసెసర్‌ను ఉపయోగించారు. 

జెడ్‌4 మాదిరే లావా జెడ్6లోనూ వెనక 13 ఎంపీ ప్రైమరీ కెమెరాతో పాటు 5 ఎంపీ, 2ఎంపీ కెమెరాలు ఇస్తున్నారు. ముందు 16 ఎంపీ సెల్ఫీ కెమెరా అమర్చారు. 5,000 ఎంఏహెచ్‌ సామర్థ్యం గల బ్యాటరీ ఉంది. వెనక ఫింగర్‌ ప్రింట్ కెమెరా ఇస్తున్నారు. 6జీబీ ర్యామ్‌/64జీబీ అంతర్గత మెమొరీ వేరియంట్ ఫోన్‌ రూ. 9,999లకు లభ్యం కానున్నది.

లావా మైజెడ్‌ కస్టమైజబుల్‌ పేరుతో మనకు నచ్చిన ర్యామ్‌, స్టోరేజీ, వెనక కెమెరా, సెల్ఫీ కెమెరా, ఫోన్‌ కలర్‌ వంటి ఫీచర్స్‌ని ఎంచుకుని ఫోన్‌ని రూపొందించుకునే అవకాశాన్ని లావా కల్పిస్తున్నది. ఈ ఫోన్‌ ధర రూ. 6,999-10,500 మధ్య ఉంటుంది. మైజెడ్ సహా జెడ్‌2, జెడ్‌4, జెడ్‌6 అమ్మకాలు ఈ నెల 11వ తేదీ నుంచి, జెడ్‌1 అమ్మకాలు ఈ నెల 26వ తేదీ నుంచి ప్రారంభమవుతాయి. అమెజాన్‌, లావా ఈ-స్టోర్‌తో పాటు అన్ని మొబైల్‌ స్టోర్లలో వీటిని కొనుగోలు చెయ్యొచ్చు. 

ఇక లావా ఫిట్‌నెస్‌ బ్యాండ్‌లో చిన్నపాటి కలర్‌ డిస్‌ప్లేతో పాటు కింది భాగంలో టచ్‌ సెన్సిటివ్ బటన్‌ లభ్యం అవుతుంది. ఇందులో శరీర ఉష్ణోగ్రత, హార్ట్‌రేట్, ఎస్‌పీఓ2 మానిటరింగ్ ఫీచర్స్‌తో పాటు ఆటో స్లీప్‌ మోడ్‌ ఉన్నాయి. ఇంకా ఎస్సెమ్మెస్‌, ఈ-మెయిల్, సోషల్ మీడియా నోటిఫికేషన్‌ అలర్ట్‌ ఉంది. 

లావా ఫిట్‌నెస్‌ బ్యాండ్‌లో జీపీఎస్‌ ట్రాకింగ్, సెడెంటరీ రిమైండర్స్‌  వైబ్రేషన్‌ అలర్ట్, రన్నింగ్ ప్లాన్స్‌, యాక్టివిటీ ట్రాకింగ్ వంటివి ఉన్నాయి. అయితే బీఫిట్‌లో ఎలాంటి బ్యాటరీ ఉపయోగించారు, ఎంతసేపు ఛార్జింగ్ ఉంటుందనే సమాచారం లేదు. దీని ధర రూ. 2,699. ఈ నెల 26వ తేదీ నుంచి అమెజాన్‌, లావా వెబ్‌సైట్‌తో పాటు అన్ని మొబైల్‌ స్టోర్లలో కొనుగోలు చెయ్యొచ్చు. బ్లాక్ కలర్‌లో లభిస్తుంది. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.

VIDEOS

logo