హైదరాబాద్: ఇంగ్లండ్ ఆల్రౌండర్ బెన్ స్టోక్స్.. ఐపీఎల్ మ్యాచ్లో గాయపడ్డ విషయం తెలిసిందే. పంజాబ్ కింగ్స్తో సోమవారం జరిగిన మ్యాచ్లో రాజస్థాన్ రాయల్స్ ప్లేయర్ బెన్ స్టోక్స్కు గాయమైంది. అతని ఎడమ చేతి చూపుడు వేలులో చీలిక వచ్చింది. ఎక్స్రే స్కానింగ్లో ఈ విషయం బయటపడింది. దీంతో ఆ వేలుకు సర్జరీ చేయనున్నారు. శస్త్ర చికిత్స కోసం బెన్ స్టోక్స్ ఇవాళ ఇంగ్లండ్ వెళ్లనున్నాడు. 12 వారాల పాటు అతను క్రికెట్కు దూరం కానున్నట్లు తెలిసింది. ఈ ఏడాది జూన్లో న్యూజిలాండ్తో జరిగే టెస్ట్ సిరీస్ కు బెన్ స్టోక్స్ దూరంకానున్నాడు. సోమవారం రోజున లీడ్స్లో స్టోక్స్ సర్జరీ చేయించుకోనున్నాడు. శ్రీలంక, పాకిస్థాన్తో జరగనున్న సిరీస్లకు కూడా స్టోక్స్ అందుబాటులోకి వచ్చేది డౌట్గానే ఉన్నది. ఆగస్టు, సెప్టెంబర్లో భారత్తో జరిగే టెస్ట్ సిరీస్లో కూడా స్టోక్స్ ఆడేది అనుమానంగా ఉంది.