బుధవారం 24 ఫిబ్రవరి 2021
Business - Dec 29, 2020 , 14:34:48

68 వేల కోట్లు సమీకరించిన భారతీయ స్టార్టప్‌లు

68 వేల కోట్లు సమీకరించిన భారతీయ స్టార్టప్‌లు

స్టార్టప్‌లకు 2020 అండగా నిలిచింది. ఎన్నో స్టార్టప్‌లకు నిధుల వరద కొనసాగగా.. దాదాపు 11 స్టార్టప్‌లు యునికార్న్‌లుగా రూపాంతరం చెందాయి. దేశవ్యాప్తంగా కోవిడ్‌- 19 సవాళ్లు ఉన్నప్పటికీ భారతీయ స్టార్టప్‌లు 2020 లో సుమారు రూ.68 వేల కోట్ల పెట్టుబడులను సమీకరించాయి. కన్సల్టెన్సీ సంస్థ ట్రాక్స్న్ డాటా ప్రకారం, ఈ పెట్టుబడి గత సంవత్సరంతో పోలిస్తే 35 శాతం తక్కువ. 2019 లో భారతీయ స్టార్టప్‌లు సుమారు రూ.1.06 లక్షల కోట్ల పెట్టుబడులను 14.5 బిలియన్ డాలర్లకు పెంచాయి. 2019లో 1185,  2020 లో 1088 పెట్టుబడి ఒప్పందాలు జరిగాయి. ఈ సంస్థ డాటా ప్రకారం, 2020 లో 100 మిలియన్ లేదా అంతకంటే ఎక్కువ 20 నిధులు వచ్చాయి. ఈ సంఖ్య 2019 లో 26 గా ఉన్నది. అదేవిధంగా, 50 మిలియన్ల నుంచి 100 మిలియన్ల డాలర్ల వరకు 13 నిధుల ఒప్పందాల పరిమాణాలు నిర్వహించబడ్డాయి. ఈ ఒప్పంద పరిమాణానికి నిధుల రౌండ్ల సంఖ్య 2019 లో 27 గా ఉంది. ఈ డాటాలో జియో ప్లాట్‌ఫాంలు సేకరించిన నిధులు లేవు. ఈ సంవత్సరం, జియో ప్లాట్‌ఫాంలు మాత్రమే 20 బిలియన్ల డాలర్ల విలువైన నిధులను.. సుమారు రూ.1.52 లక్షల కోట్లను సేకరించాయి.

యునికార్న్‌లుగా మారిన 11 స్టార్టప్‌లు

ట్రాక్స్న్‌ నివేదిక ప్రకారం, ఈ సంవత్సరం రెండవ అర్ధభాగంలో భారతీయ స్టార్టప్‌లకు ఎక్కువ పెట్టుబడులు వచ్చాయి. మొదటి అర్ధభాగంలో 461 ఒప్పందాల ద్వారా రూ.30 వేల కోట్ల పెట్టుబడులతో స్టార్టప్‌లకు కేవలం 4.2 బిలియన్ డాలర్లు మాత్రమే వచ్చాయి. 2020 లో, రోజర్ పే, గ్లాన్స్, అన్ అకాడమీతో పాటు 11 భారతీయ స్టార్టప్‌లు యునికార్న్‌లుగా మారాయి. 2020 లో గూగుల్, మైక్రోసాఫ్ట్, ఫేస్‌బుక్ వంటి దిగ్గజ సాంకేతిక సంస్థలు భారతీయ స్టార్టప్‌లలో పెట్టుబడులను పెంచాయి. అదే సమయంలో, చైనా సరిహద్దులో ఉద్రిక్తత కారణంగా, చైనా దిగ్గజం అలీబాబా, టెన్సెంట్ పెట్టుబడులు తగ్గాయి. లడఖ్‌లోని గల్వాన్ లోయలో సరిహద్దు వివాదం తరువాత చైనాతో సహా భూభాగస్వామ్య దేశాల నుంచి వచ్చే పెట్టుబడులకు సంబంధించి ప్రభుత్వం నిబంధనలను కఠినతరం చేసింది.

ఇది కూడా చదవండి..

డిజిటల్ డిటాక్స్ అంటే ఏమిటి? శారీరక, మానసిక ఆరోగ్యానికి ఎలా ప్రయోజనం?

కొవిడ్‌కు బ్లడ్‌ ఇన్‌ఫెక్షన్లు తోడైతే..

బాక్సింగ్‌ డే టెస్ట్.. ఏమిటా కథాకమామిషు?!

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.

VIDEOS

logo