e-Paper

Advertisement

E-Paper

Apps

Book Your Copy

Visit Telangana Today

Wednesday, August 4, 2021
Home బిజినెస్ ఉద్దీపనకు రూ.3 లక్షల కోట్లు కావాలి

ఉద్దీపనకు రూ.3 లక్షల కోట్లు కావాలి

  • జన్‌ధన్‌ ఖాతాల ద్వారా నగదు బదిలీ చేయాలి
  • ఆర్థికాభివృద్ధికి సీఐఐ సూచనలు
ఉద్దీపనకు రూ.3 లక్షల కోట్లు కావాలి

న్యూఢిల్లీ, జూన్‌ 17: కరోనా సంక్షోభంతో మందకొడిగా వున్న ఆర్థిక వ్యవస్థను పునరుత్తేజపర్చేందుకు జన్‌ధన్‌ ఖాతాల ద్వారా కుటుంబాలకు నగదు బదిలీచేయడంతో సహా రూ.3 లక్షల కోట్ల ఉద్దీపన ప్యాకేజి అవసరమని పరిశ్రమల సమాఖ్య సీఐఐ కేంద్రానికి సూచించింది. కొవిడ్‌ సెకండ్‌వేవ్‌తో ప్రజలపై ఏర్పడిన ఒత్తిడిని తొలగించడానికి తగిన ఆర్థిక చర్యలు చేపట్టడం తక్షణ కర్తవ్యమని సీఐఐ అధ్యక్షుడు టీవీ నరేంద్రన్‌ గురువారంనాడిక్కడ మీడియాతో చెప్పారు. భారత ఆర్థిక వ్యవస్థ వినియోగ ఆధారితమైనదని, కరోనాతో వినియోగ డిమాండ్‌ తగ్గినందున, ఇది పెంచేందుకు నగదు బదిలీతో సహా పలు చర్యల్ని తీసుకోవాల్సివుంటుందని ఆయన అభిప్రాయపడ్డారు.

టాటా స్టీల్‌ ఎండీ నరేంద్రన్‌ ఇంకా ఏమన్నారంటే&

  • రూ.3 లక్షల కోట్ల అదనపు ఉద్దీపన ఇవ్వడానికి అవకాశం వుంది. ఇందుకు వీలుగా ఆర్బీఐ బ్యాలెన్స్‌ షీట్‌ను పెంచుకోవడం ద్వారా వడ్డీ వ్యయాల్ని అదుపుచేయవచ్చు.
  • డిమాండ్‌ పెంపునకు వీలుగా జీఎస్టీని తగ్గించాలి.
  • గృహ కొనుగోలుదార్లకు పన్ను ప్రోత్సహకాలు, వడ్డీ రాయితీలు, స్టాంప్‌డ్యూటీ తగ్గింపుల్ని ఇవ్వాలి.
  • ఎల్‌టీసీ నగదు ఓచర్‌ స్కీమును ప్రవేశపెట్టాలి.
  • ఆత్మానిర్భార్‌ భారత్‌ రోజ్‌గార్‌ యోజనను 2022 మార్చి వరకూ పొడిగించాలి.
  • ఎమర్జెన్సీ క్రెడిట్‌ గ్యారంటీ స్కీము మొత్తాన్ని రూ.5 లక్షల కోట్లకు పెంచాలి.
  • ఇంధనాలపై ఎక్సైజ్‌ సుంకాన్ని తగ్గించాలి. అలాగే ఇంధనోత్పత్తుల్ని జీఎస్టీలో చేర్చాలి.
  • వ్యాక్సినేషన్‌ను వేగవంతం చేయడానికి బ్రిటన్‌ తరహాలో ‘వ్యాక్సిన్‌ జార్‌’ను (ఉన్నతాధికారి) నియమించాలి.పూర్తి జనాభాకు ఈ ఏడాది డిసెంబర్‌కల్లా టీకాలు వేయడానికి రోజుకు సగటున 71.2 లక్షల వ్యాక్సిన్‌ డోసులు అవసరం. వ్యాక్సిన్ల ఉత్పత్తి, దిగుమతులు, రాష్ర్టాలకు పంపిణీ, వ్యాక్సినేషన్‌ ప్రగతి వంటివన్నీ పర్యవేక్షించి, తగిన చర్యల్ని తీసుకునే అధికారాల్ని వ్యాక్సిన్‌ సీజర్‌ (లేదా మంత్రి)కు ఇవ్వాలి.
  • రెండు డోసుల వ్యాక్సిన్లు వేయించుకున్నవారికి నగదు/ఆహారం/బీమా వంటి ప్రోత్సాహకాలు ఇవ్వాలి. ఉన్నత వర్గాలవారికి దేశీ విమానయానంలో డిస్కౌంట్లు ఇవ్వొచ్చు.
  • వ్యాక్సినేషన్‌ కవరేజి పెరగడం, విదేశీ డిమాండ్‌ బలంగా వుండటంతో ప్రస్తుత ఆర్థిక సంవత్సరం 9.5 శాతం జీడీపీ వృద్ధిని అంచనావేస్తున్నాం.
- Advertisement -
- Advertisement -
Advertisement
-Advertisement-

తాజావార్తలు

Advertisement
ఉద్దీపనకు రూ.3 లక్షల కోట్లు కావాలి
ఉద్దీపనకు రూ.3 లక్షల కోట్లు కావాలి
ఉద్దీపనకు రూ.3 లక్షల కోట్లు కావాలి

ట్రెండింగ్‌

Advertisement