శనివారం 27 ఫిబ్రవరి 2021
Business - Jan 25, 2021 , 08:03:32

ఐటీలో ఆదా ఇలా.. ఆ మిన‌హాయింపులేంటో తెలుసా?

ఐటీలో ఆదా ఇలా.. ఆ మిన‌హాయింపులేంటో తెలుసా?

ఆదాయం పన్ను (ఐటీ) చట్టంలోని పలు సెక్షన్ల కింద పన్ను చెల్లింపుదారులు పన్ను మినహాయింపులను పొందవచ్చు. అవేంటో ఒక్కసారి పరిశీలిద్దాం..

సెక్షన్‌ 80సీ: ఫిక్స్‌డ్‌ డిపాజిట్లు, ఇన్సూరెన్స్‌ ప్లాన్లు, ఈక్విటీ లింక్డ్‌ సేవింగ్స్‌ స్కీములు, పిల్లల చదువుల ఫీజులు, ఈపీఎఫ్‌, జీవిత బీమా ప్రీమియంలు, గృహ రుణాలు, సుకన్య సమృద్ధి యోజన వంటి వాటిపై సెక్షన్‌ 80సీలో పన్ను మినహాయింపును పొందవచ్చు.

సెక్షన్‌ 80జీజీ: వేతన, వేతనేతర జీవులు సెక్షన్‌ 80జీజీ కింద రూ.60వేల వరకు ఇంటి అద్దెపై పన్ను మినహాయింపును పొందవచ్చు. హౌజ్‌ రెంట్‌ అలవెన్సు (హెచ్‌ఆర్‌ఏ)లతో నిమిత్తం లేకుండా అందరికీ అవకాశం ఉంటుంది. అయితే పనిచేస్తున్న ప్రాంతంలో ఎలాంటి సొంత నివాసం ఉండరాదు. 

సెక్షన్‌ 24: ఈ సెక్షన్‌ ద్వారా గృహ రుణం పొందడానికి చేసిన ఖర్చులపైనా పన్ను మినహాయింపును అందుకోవచ్చు. హోం లోన్‌ చెల్లింపులకు సంబంధించి వడ్డీపై రూ.2 లక్షల వరకు పన్నులను ఆదా చేసుకోవచ్చు.

సెక్షన్‌ 80డీ: ముందస్తు ఆరోగ్య పరీక్షల వ్యయం, ఆరోగ్య బీమా ప్రీమియంలు, కేంద్ర ప్రభుత్వ ఆరోగ్య పథకాల కోసం చేసే చెల్లింపులు, వైద్య చికిత్సల ఖర్చుల్లో రూ.75వేల వరకు సెక్షన్‌ 80డీ కింద పన్ను మినహాయింపు కోరవచ్చు.

సెక్షన్‌ 80జీ: ఎన్జీవోలకు లేదా ప్రభుత్వ రిలీఫ్‌ ఫండ్లకు చేసే విరాళాలను సెక్షన్‌ 80జీ కింద చూపి పన్ను మినహాయింపును పొందవచ్చు. ఇలా 50 శాతం వరకు క్లయిమ్‌ చేసుకునే అవకాశం ఉన్నది. 

VIDEOS

logo