సోమవారం 01 మార్చి 2021
Business - Jan 22, 2021 , 00:12:22

10 కోట్ల హీరో

10 కోట్ల హీరో

న్యూఢిల్లీ, జనవరి 21: దేశంలోని ద్విచక్ర వాహన తయారీ సంస్థల్లో అతి పెద్దదైన హీరో మోటో మోటోకార్ప్‌ సరి కొత్త చరిత్ర సృష్టించింది. వాహనాల ఉత్పత్తిలో 100 మిలియన్‌ (10 కోట్ల) యూనిట్ల మైలురాయిని అధిగమించి అసలైన హీరోగా నిలిచింది. హరిద్వార్‌ లోని తమ మాన్యుఫ్యాక్చరింగ్‌ ప్లాంట్‌ నుంచి గురువారం 10 కోట్లవ యూనిట్‌గా ‘ఎక్స్‌ట్రీమ్‌ 160ఆర్‌' బైక్‌ను బయటకు తీసుకురావడం ద్వారా ఈ విశిష్ఠ ఘనతను సాధించినట్లు ఆ కంపెనీ వెల్లడించింది. మున్ముందు కూడా ఇదే వృద్ధిని కొనసాగించేందుకు రానున్న ఐదేండ్లలో ఏటా పది కంటే ఎక్కువ ఉత్పత్తులను మార్కెట్లో ప్రవేశపెట్టనున్నట్లు హీరో మోటోకార్ప్‌ ప్రకటించింది. 1984 జనవరి 19న ఏర్పాటైన ఈ కంపెనీ సరిగ్గా పదేండ్ల నాటికి 10 లక్షల యూనిట్లను ఉత్పత్తిచేసి తొలి మైలురాయిని అధిగమించింది. ఆ తర్వాత మరింత జోరు పెంచి 2013లో 5 కోట్ల యూనిట్ల మైలురాయిని, 2017లో 7.5 కోట్ల మైలురాయిని అధిగమించినట్లు హీరో మోటోకార్ప్‌ చైర్మన్‌, సీఈవో పవన్‌ ముంజాల్‌ వివరించారు.

VIDEOS

logo