HDFC Bank Expansion Plan | దేశంలోకెల్లా అతిపెద్ద ప్రైవేట్ బ్యాంక్ హెచ్డీఎఫ్సీ బ్యాంక్ వచ్చే ఆరు నెలల్లో 2,500 మందిని నియమించుకోవాలని నిర్ణయించింది. వచ్చే 18-24 నెలల్లో తమ శాఖల నెట్వర్క్ను రెండు లక్షలకు పెంచాలని లక్ష్యాన్ని నిర్దేశించుకున్నది. ప్రత్యేకించి గ్రామీణ ప్రాంతాల్లో హెచ్డీఎఫ్సీ బ్యాంకుల శాఖలను రెట్టింపు చేయాలని నిర్ణయించింది.
ఇందులో బిజినెస్ కరస్పాండెంట్లు, బిజినెస్ ఫెసిలిటేటర్లు, కామన్ సర్వీస్ సెంటర్ల పార్టనర్లు, వర్చువల్ రిలేషన్షిప్ మేనేజ్మెంట్, డిజిటల్ ఔట్రీచ్ ప్లాట్ఫామ్స్ తదితరాలు ఉంటాయి. రెండేండ్లలో దేశంలోని మూడోవంతు గ్రామాలకు తమ బ్యాంకు నెట్వర్క్ విస్తరిస్తుందని హెచ్డీఎఫ్సీ బ్యాంక్ తెలిపింది.
గ్రామీణ, సెమీ అర్బన్ మార్కెట్లకు రుణపరపతి అందుబాటులో లేదని హెచ్డీఎఫ్సీ బ్యాంక్ కమర్షియల్ అండ్ రూరల్ బ్యాంకింగ్ గ్రూప్ హెడ్ రాహుల్ శుక్లా చెప్పారు. మున్ముందు ప్రతి పల్లెకు తమ సేవలను అందుబాటులోకి తేవాలని లక్ష్యంగా పెట్టుకున్నట్లు తెలిపారు. ప్రస్తుతం 550 జిల్లాల్లో బ్యాంకు సేవలందిస్తున్నది.