గ్రాన్యూల్స్‌ లాభం రెండింతలు

హైదరాబాద్‌: ప్రముఖ ఫార్మా సంస్థ గ్రాన్యూల్స్‌ ఇండియా ఆశాజనక ఆర్థిక ఫలితాలు ప్రకటించింది. డిసెంబర్‌తో ముగిసిన త్రైమాసికంలో సంస్థ రూ.146.81 కోట్ల లాభాన్ని గడించింది. అమ్మకాలు భారీగా పుంజుకోవడంతో లాభాల్లో రెండింతల వృద్ధి నమోదైనట్లు కంపెనీ వెల్లడించింది. సమీక్షకాలంలో కంపెనీ ఆదాయం ఏడాది ప్రాతిపదికన 19.97 శాతం ఎగబాకి రూ.844.51 కోట్లకు చేరింది.