Savings A/c | ప్రభుత్వ రంగ బ్యాంకు పంజాబ్ నేషనల్ బ్యాంక్ (పీఎన్బీ) తన సేవింగ్స్ ఖాతాలపై వడ్డీరేటును తగ్గించి వేసింది. ప్రస్తుతం 2.90 శాతం వడ్డీరేటు మాత్రమే అందిస్తున్నది. ఇంతకుముందు మూడు శాతం వడ్డీ అందించేది. ఇప్పుడు మీరు ఏదైనా బ్యాంకులో సేవింగ్స్ ఖాతా ప్రారంభించాలని అనుకున్నారనుకోండి.. ఆయా బ్యాంకులు ఎంత వడ్డీ ఆఫర్ చేస్తున్నాయో తెలుసుకోవాలి.. మనం ఆ పని ఇప్పుడే చూసేద్దామా..!
బ్యాంక్- – – – – – – – – – అందిస్తున్న వడ్డీరేటు (శాతం)
ఆర్బీఎల్ బ్యాంక్ – – – – 4.25-6.00
బంధన్ బ్యాంక్ – – – – – 3.00-6.00
ఇండస్ ఇండ్ బ్యాంక్ – – 4.00-6.00
యెస్ బ్యాంక్ – – — – – – 4.00-5.50
ఐడీఎఫ్సీ ఫస్ట్ బ్యాంక్ – – 4.00-5.00
పోస్టాఫీసు – – – – – – – – – 4.00
ఐసీఐసీఐ బ్యాంక్ – – – – – 3.00-3.50
హెచ్డీఎఫ్సీ బ్యాంక్ – – – – 3.00-3.50
పంజాబ్ నేషనల్ బ్యాంక్ – 2.90
బ్యాంక్ ఆఫ్ ఇండియా – – 2.90
ఎస్బీఐ – – – – – – – – – – – 2.70
ప్రతి నెలా సగటు మొత్తం నిల్వలు మీ బ్యాంకులో ఉంచాలి. ఇది బ్యాంకులను బట్టి ఎక్కువ. తక్కువ ఉంటుంది. కనీస నిల్వ మొత్తం తక్కువ పెట్టేందుకు అనుమతించే బ్యాంకులోనే సేవింగ్స్ ఖాతా తెరవాలి. సేవింగ్స్ ఖాతాలో నిర్దిష్ట నిల్వలు లేకపోతే పెనాల్టీ చెల్లించాల్సి ఉంటుంది. అర్బన్, సెమీ అర్బన్ ప్రాంతాల్లో నెలవారీ సగటు నిల్వ నిబంధనలో తేడాలు ఉంటాయి.
ఆదాయం పన్ను చట్టంలోని 80టీటీఏ సెక్షన్ కింద సేవింగ్స్ ఖాతాలో మొత్తంపై వచ్చే వడ్డీ ఆదాయానికి పరిమితి ఉంది. రూ.10 వేలు దాటిన డిపాజిట్లపై వచ్చే ఆదాయంపై పన్ను చెల్లించాల్సిందే. ఉమ్మడి హిందూ కుటుంబ (హెచ్యూఎఫ్) సభ్యులు, 60 ఏండ్ల లోపు వారికి ఈ నిబంధన వర్తిస్తుంది. సీనియర్ సిటిజన్లకు మాత్రం రూ.50 వేల వరకు మినహాయింపు ఉంది. ఈ పరిధి దాటితే వారి ఖాతాల నుంచి టీడీఎస్ డిడక్ట్ అవుతుంది.